Logo de máis de 16 meses de resistência pacífica à construçom dum porto desportivo no Salgueirom (Massó), um projecto envolvido numha cheia de ilegalidades, queremos amossar o nosso rejeitamento ante umha actuaçom judicial de duas velocidades: rápida contra os ecologistas e vicinhos, e lenta contra os promotores do porto desportivo e contra a Autoridade Portuária de Vigo.
Verdegaia anima a participar na concentraçom convocada polo Foro Social de Cangas o vindouro sábado 17, às 17:00 na Alameda Velha de Cangas.
Logo de máis de 16 meses de resistência pacífica à construçom dum porto desportivo no Salgueirom (Massó), um projecto envolvido numha cheia de ilegalidades, queremos amossar o nosso rejeitamento ante umha actuaçom judicial de duas velocidades:
Rápida contra os ecologistas e os vizinh@s de Cangas acusados do delito de coacçons para parar as obras do porto desportivo, incluindo a ameaça dumha actuaçom policial contundente. Decenas de companheir@s forom já julgados, outr@s aguardam juízos iminentes.
Lenta para todos os expedientes judiciais e administrativos abertos contra os promotores do porto desportivo e contra a Autoridade Portuária de Vigo.
Exemplos:
1 .- A demora de máis dum ano para resolver a petiçom de paralizaçom provisional das obras.
2 .- O retardamento do expediente aberto pola Fiscalia de Meio Ambiente por indícios de delito contra a ordenaçom do território, falsidade documental e prevaricaçom (entre outros).
3 .- A falta de resposta de Costas à petiçom de abertura de expediente de deslinde que clarifique o registro como propriedade privada dumha finca de domínio público marítimo-terrestre.
Verdegaia junto a todo o movimento ecologista galego une-se às vozes dos companheiros e companheiras de Cangas para expressar o nosso rejeitamento a um urbanismo destruitor e ilegal.