ELIMINAMOS ESPECIES EXÓTICAS INVASORAS NA ÚLTIMA DO ANO.
As
Brigadas deseucaliptizadoras queren acabar este ano deseucaliptizador
cunha última xornada de eliminación de especies exóticas invasoras
que levaremos a cabo o domingo
29 de decembro na
Área
Conservada pola Comunidade Local de Froxán,
en Lousame, recoñecida
como ICCA (Indigenous and Community Conserved Areas) polo programa
das Nacións Unidas para o Ambiente. Na roga utilizaremos machadas,
motoserras e desbrozadoras para eliminar especies exóticas
invasoras, desta volta, eucalipto, mimosa (Acacia
dealbata) e acacia
bastarda (Robinia
pseudoacacia), e preparar
o terreno para a súa restauración con especies de bosque
nativo.
Os traballos comezarán logo de nos encontrarmos
no lugar indicado ás
9:30 da mañá.
ATENCIÓN! Desta volta
o punto de encontro será ao pé do antigo edificio de “Compresores”
(o edificio azul na parte alta) das Minas de San Fins
(https://goo.gl/maps/).
Na zona de Chán de
Avelán (onde se encontra o museo mineiro e restaurante) hai moito
espazo para estacionar, pero avisamos que ao mesmo tempo partirá
desde ese lugar unha carreira ‘San Silvestre’ organizada por outras
entidades, sen relación algunha coa acción ambiental.
Coma
sempre, para participar nesta acción é necesario en primeiro lugar
estar inscrito como Brigadista no proxecto, o que se pode facer por
medio deste formulario,
e ademais de indicar o compromiso expreso de acudir a esta
convocatoria mediante
un correo electrónico a brigadas@verdegaia.org
A data límite para apuntarse é o venres 27 de decembro máis suxerimos que vos apuntedes canto antes para poder por en contacto á xente que ven de lugares próximos de cara a partillar transporte.
Despois dos traballos colectivos no monte (roga), premiarase as brigadistas asistentes cun xantar de convivio (albaroque) e aínda teremos dispoñíbeis as camisolas oficiais das Brigadas. Como desta volta comeremos na mesma zona da intervención, non lonxe de onde se estacionarán os vehículos, o menú será máis simple (non de prato), pero se calquera persoa quere traer a súa comida ou ten necesidades ou preferencias alimentarias especiais non hai ningún problema.
VÉMONOS NO MONTE!