Nun último intento de acadar todas as firmas posibles para a Iniciativa Lexislativa Popular para a aplicación efectiva dos principios de Redución, Reutilización e Reciclaxe de residuos en Galiza antes de que remate o prazo en febreiro varios dos colectivos que apoiamos esta iniciativa imos saír ás rúas de Vigo esta sexta feira, 25 de xaneiro. Porque existen alternativas reais ao modelo incinerador de SOGAMA e porque por contra, son viables ambiental, social e economicamente. Porque precisamos destas alternativas, precisamos dun debate acerca do noso modelo de tratamento de residuos, achegádevos!
Esperámosvos esta sexta ás 18:00 onde a farola do Príncipe (preto do MARCO).
Se queredes participar na difusión desta iniciativa non dubidedes en poñervos en contacto connosco e poderedes axudarnos a montar máis mesas e acadar máis sinaturas.
Máis info en: http://galizasenincineracion.wordpress.com
