Verdegaia organiza o próximo domingo 14 de Xaneiro un roteiro polo curso alto do Lagares. Visitaremos a Lagoa Mol ou da Retorta (na foto), en perigo de desaparición pola futura ampliación do aeroporto de Peinador segundo se recolle no futuro PXOM de Vigo.
O roteiro sairá ás 10 da mañá do mercado de Cabral, e durará todo o día. O percorrido ten uns 7 kilómetros de lonxitude, e iremos facendo paradas explicativas nos espazos naturais ameazados polo novo PXOM.
O roteiro é aberto todas e todos. Pódese chegar ata o Mercado de Cabral empregando as liñas C15A, C15B, C15C e 11 do transporte urbano (horarios www.vitrasa.es). Compre levar comida, e roupa e calzado axeitados.
