O L.I.C. Costa Ártabra repártese polos concellos costeiros de Ares, Mugardos, Ferrol, Narón, Valdoviño, Cedeira, Cariño e Ortigueira. Trátase dun tramo de costa moi variado en canto a ecosistemas se refire, albergando areais, cantís, humidais, pequenas illas e mesmo serras, e que conforman un espazo único integrado dentro da Rede Natura 2000. O tramo de costa que imos percorrer correspóndese coas zonas costeiras de Sta. Comba, Sartaña e Ponzos, na parroquia ferrolá de Covas. Ademais dos seus valores ambientais e patrimoniais, queremos salientar as múltiples agresións que ameazan a conservación deste espazo protexido como é o proxecto de parque acuícola ideado para Ponzos.
Entre as paradas explicativas que se efectuarán no percurso destacan as seguintes: antigas instalacións militares, complexo deportivo, Plan Sectorial de Parques de Tecnoloxía Alimentaria, concentracións parcelarias, areal de Sta. Comba, Ermida de Sta. Comba, edificacións ilegais en Sartaña, A Fábrica, vista panorámica do Val de Ponzos, antiga mina de ouro de Covarradeiras e habitats dunares e hidromorfos en Ponzos.
Data: Domingo 28 de Xaneiro de 2007.
Saída: 10:00h.
Lugar: Escalinata de Correos (Ferrol).
Dificultade: media-baixa.
Transporte gratuito.
Non inclúe xantar.
Prégase inscripción.
Contacto:616 03 92 68
661 63 69 46
