O roteiro partirá da Cruz de Pao (cemiterio neolítico) ás 20:30 horas, para rematar na Laxe Cruzada. Ao longo do mesmo, repasaremos o patrimonio cultural, histórico, natural e xeolóxico que podemos atopar na Serra da Groba, onde se queren instalar 21 muiños aeroxeneradores de 2,3 megawatios. De se aprobar este proxecto, denominado Albariño I, o proceso de destrucción da serra continuaría cos denominados Albariño II e Albariño III, e coas subertacions eléctricas e tendidos necesarios para transferir a rede máis enerxía da que a nosa comarca pode consumir.
O paseo estará guiado e comentado polo arqueólogo Xosé Lois Vilar, e á luz indirecta das lanternas veremos (mellor que de día) numerosos petroglifos ao longo do percorrido e aprenderemos un pouco máis dos valores que a Serra da Groba atesoura. A marcha a pé durará aproximadamente dúas horas (ida e volta). Non reviste dificultade, pero recomendamos levar calzado adecuado e roupa de abrigo. Non o perdas, será unha noite memorable. Haberá sorpresas e momentos únicos.
Pontos de encontro previo:
Praia de Santa Marta (Baiona) Hora 19:45
Chan da Lagoa (despois da Virxe da Roca) Hora 20:00
Máis información: 647 965 193