A terceira entrega deste cine-fórum é "La pesadilla de Darwin", un documental que expón á luz do día as miserias da globalización.
Nos anos 50, case clandestinamente, comezouse a introducir a "perca do Nilo" no lago Vitoria (África). Este animal resultou ser un voraz depredador que rematou coa diversidade do lago tropical máis grande do mundo e deixou o rastro da miseria nas poboacións que tradicionamente vivían da pesa. Un filme que permite experimentar a brutalidade das inxustizas desde múltiples ángulos. Un pesadelo revelador que non deixa indiferente.
