Na última actividade deste ano da campaña 12 meses, 12 saberes imos realizar un roteiro pola costa de Cangas para coñecer máis a fondo o que son as dunas e porque é tan importante preservalas.
Percorreremos os areais de Nerga, Viñó e Barra, dentro da Z.E.C. Costa da Vela, onde destacan hábitats como as “Dunas grises”, as “Dunas brancas”, a “Costa rochosa” e os “Areais”.
Entre as especies vexetais que observaremos están o feo da praia, a eiruga mariña, a grama mariña, o alelí da praia, a cebola das gaivotas e as carrascas de San Xoán. E probablemente observamos especies animais como o caracol de duna, a gaivota patiamarela, o corvo mariño cristado, o carrán cristado e o bilurico bailón.
.Data: domingo 21 de decembro, de 11:00 a 13:30
.Dificultade: baixa – 2 quilómetros
.Inscrición: gratuíta pero obrigatoria en info@verdegaia.org, indicando un número de teléfono, o nome de cada persoa, e especificando se algunha é menor de 14 anos.
