Na actividade deste mes da campaña 12 meses, 12 saberes imos realizar un roteiro pola zona próxima á Xunqueira do Alba (Pontevedra), un espazo que pola súa importancia ecolóxica está declarado ENIL (Espazo Natural de Interese Local).
O roteiro incidirá nos aspectos básicos da Botánica, a rama da Bioloxía que estuda as plantas, o que nos permitirá observar e entender dun modo diferente plantas que estamos habituados a ver sen máis.
A organización levará lupas que nos axudarán a observar os detalles máis curiosos de flores e follas que habitualmente pasan desapercibidos.
- Data: domingo 5 de outubro, de 11:00 a 13:30
- Dificultade: baixa: 3 km
- Inscrición: gratuíta pero obrigatoria en info@verdegaia.org, indicando un número de teléfono, o nome de cada persoa, e especificando se algunha é menor de 14 anos.
