roteiro_do_lobo_brais_palms.jpgCase 40 persoas asistiron este domingo ao roteiro "en memoria do lobo" no concello de Cotobade, organizado polo núcleo comarcal de Pontevedra dentro do programa "Vai de Roteiros!". As partes anegadas pola auga e o xeo no sendeiro non impediron aos asistentes de variada idade percorrer o camiño de 10’6 km de lonxitude, durante o cal se observaron rastros de lobo, se diferenciou o canto de varias aves comúns (páridos, carrizos, gabeadores, etc.) e incluso se disfrutou cunha observación de becada.

roteiro_do_lobo_brais_palms_12.jpg

En canto á botánica, desfrutouse das arandaneiras, dos acivros, e do bosque caducifolio formado por carballos, ameneiros, salgueiros e bidueiros.

roteiro_do_lobo_brais_palms_4.jpg

Despois de toparnos con varios elementos arquitectónicos como muíños, preciosas pontes romanas e rodeiras antigas de carros, o cumio foi fotografarnos dentro do foxo do lobo, unha estrutura cinexética que se usaba antano para erradicar lobos e diversas especies consideradas alimañas.

A xornada rematou despois da rota cun relatorio sobre "O lobo, unha especie emblemática", dentro da casa do pobo en Rebordelo ,coa colaboración das asociacións Cañon de Pau e ASCEL.

roteiro_do_lobo_brais_palms_5.jpg

roteiro_do_lobo_brais_palms_9.jpg

 

 

 

 

 

 

O programa Vai de Roteiros voltará en 2010 cunha rota polo río Arnoia. 

roteiro_do_lobo_brais_palms_6.jpg