O vindeiro sábado, 29 de agosto, ás 12, terá lugar unha concentración na praza do concello de Ribeira, en contra do actual proxecto de macrodepuradora en Couso (Aguiño).

Apoian a convocatoria:

  • Confraría de Pescadores de Carreira e Aguiño
  • Agrupación de Mariscadores de Aguiño
  • Club de Xubilados de Aguiño e Carreira
  • Asociación de Armadores do Cerco
  • Asociación Cultural e Deportiva a Dourixeira
  • Asociación Musical Albéniz
  • Asociación de Veciños Ardora
  • Asociación de Nais e Pais do CEIP de Aguiño
  • Sociedade Deportiva Xuventú Aguiño
  • Asociación Pax in Requiem
  • Asociación de Redeiras Virxe do Carme
  • Asociación Veciñal Francisco Lorenzo Mariño
  • Verdegaia
  • plataforma Medioambiental de Corrubedo
  • Asociación Cultural Bastantes Jon
  • Asociación Sagres en Defensa do Litoral

Os colectivos convocantes reivindicamos:

  • Unha depuración diferenciada para o polígono industrial de Xarás, e que o proxecto de depuradora para o polígono sexa previo a ningún outro, para garantir debidamente esa diferenciación
  • Outras dúas depuradoras para augas fecais, tal e como contempla unha das alternativas avaliadas no proxecto, que se desbotou  polo investimento necesario e a pesar de recoñeceren que con ela non hai posibilidade de traspaso. Entendemos que "a problemática actual" hai que resolvela, e non "traspasala"
  • Que o emisario se prolongue ata augas profundas, onde se asegure un mínimo impacto
  • Que o proxecto se someta aos trámites de avaliación de impacto ambiental, tal e como se recolle no decreto 133/2008, polo que se regula a avaliación de incidencia ambiental (punto 1.12.1 do anexo I)