O sábado 7 de Setembro volvemos ao Fonteliño (río Couso, Porriño) para continuar coas actividades de restauración ambiental.
Durante o verán tivemos a colaboración dun campamento de voluntarios, algúns vindos incluso do estranxeiro, que nos axudaron a avanzar na recollida de lixo e na eliminación de canas. Foron xornadas moi enriquecedoras nas que todos aprendemos e compartimos experiencias.
Retomando as actividades periódicas, este sábado aproveitaremos que o río nesta época leva pouca auga para actuar nas zonas que habitualmente son de acceso máis complicado.
Data: sábado 7 de Setembro, de 10:30 a 12:30
Punto de encontro: rúa leandro Diz, 5 (ao lado do paso inferior da liña do tren)
Inscrición gratuita pero necesaria inscrición en: vigo@verdegaia.org ou 691 657 039
