Os documentários projectaram-se nos locais sociais A Revolta e A Cova dos Ratos, em Vigo, entre os días 7 e 15 de fevereiro. O ciclo divide-se em duas partes: "As zonas húmidas: a rede natura e a nossa fauna" e "As indústrias de celulose e os monocultivos de eucaliptos".
CICLO DE CINEMA ECOLÓGICO
As zonas húmidas: a rede natura e a nossa fauna
7 de fevereiro (4ª feira), às 20:30 no C.S. A Revolta (rua Real 32, rês-do-ch ão):
"Terras de Pedra e Auga. LIC Parga-Ladra-Támoga"
Este vídeo permite-nos fazer um percorrido pola flora, a fauna e as paisagens da água existentes nesta grande zona húmida a través dumha narraçom amena, onde se mistura o contido científico com a cultura e etnografia do lugar, fazendo de anfitriom do lugar "o home-peixe", ser mitológico que habita nas Terras do Minho.
Duraçom 18´. INLUDES-Deputaçom de Lugo. Ano 2005.
"As Gándaras de Budiño e Ribeiras do Louro"
As ribeiras do rio Louro, formam unha das três zonas húmidas interiores máis importantes da Galiza. A Conselharia de Meio Ambiente incluiu no ano 1999, 959 hectares desta área natural na Rede Ecológica Europeia Natura 2000. Porém, a superfície protegida foi posteriormente reduzida num 25% em benefício das actividades industriais e vias de comunicaçom.
Este documentario pretende achegar a todos os públicos a grande riqueza natural e cultural que ainda conservam os algo máis de setecentos hectares protegidos na actualidade, mais também lembrar o património que se perdeu nos últimos quarenta anos, na maioria dos casos de forma injustificada.
Duraçom 36´. Concelho do Porrinho. Ano 2006.
8 de fevereiro (5ª feira), às 20:30 no C.S. A Revolta (rua Real 32, rês-do-ch ão):
"Vida de Sapo"
Estamos no campus da Universidade de Vigo, onde umha estrada de circunvalamento construida há apenas cinco anos cortou as rotas de acesso à lagoa na que se repreduzem centos de sapos dos arredores. Incapazes de reparar no perigo do trânsito, os sapos teimam em cruzarem a faixa de betume que se interpom no seu caminho. A probabilidade de que um sapo consiga atravessar umha estrada como esta adoita ser inferior ao trinta por cento. Numha auto-estrada a probabilidade é só do cinco por cento. A própria determinaçom que mostram os sapos no seu avanço vai-nos permitir paliar em certa medida o massacre.
Duraçom 21´. OMA-Universidade de Vigo. Ano 2006.
"Os Mares Doces de Galicia"
Exploraçom da origem do ecossistema fluvial da Galiza, formado por máis de 30.000 km de cursos de água, com umha funda relaçom com o mar. O oceano Atlântico é o verdadeiro nascimento dos milheiros de regatos e rios, já que é este quem com a sua actividade se encarga de que as borrascas descarguem milhons de litros de água doce nesta terra. Aliás, mostram-se as espécies máis representativas nos distintos tramos dos rios.
Duraçom 32´. Manuel Garci. Ano 2006.
As indústrias de celulose e os monocultivos de eucaliptos
14 de fevereiro (4ª feira), às 20:30 no C.S.A. A Cova dos Ratos (rua Romil 3, baixo):
"El Papel del Sur"
Vídeo documental realizado no marco do conflito gerado pola instalaçom de industrias de celulose em Fray Bentos, nas ribeiras do rio Uruguai.
O filme elabora um mapa de conflito ambiental que tenta ligar as múltiplas dimensons que esta situaçom contem.
Duraçom 35´. Chaya. Ano 2006.
15 de fevereiro (5ª feira), às 20:30 no C.S.A. A Cova dos Ratos (rua Romil 3, baixo):
"Historia de dos Orillas"
Após um ano da primeira "Grande Marcha" onde os vizinhos de Fray Bentos e Gualeguaychú protestarom conjuntamente contra a amenaçante instalaçom do polo celulósico máis grande do mundo, os máis destacados especialistas abordam o problema, aportam testemunhas únicas, dados desconhecidos e a informaçom necessária para ter umha visom máis ampla do conflito.
Duraçom 80´. Masato/Tea imagen. Ano 2006.
