Febreiro chega cargado de intervencións para recuperar os ecosistemas no Barbanza, da man da Fundación Montescola e do proxecto Comunidades Activas e Paisaxes Resilientes a Incendios Forestais e Cambio Climático. O sábado 8 de febreiro, continuaremos os traballos no Monte Veciñal en Man Común de Baroña (Porto do Son), desta vez plantando árbores frondosas que continúen consolidando os cortalumes verdes da Comunidade. A xornada, tamén de 10:00 a 14:00, rematará cun albaroque con produtos locais. O prazo para se apuntar é o xoves 6 de febreiro.
Para vos apuntardes debedes enviar email a info@montescola.org. Pídese compromiso de participación para quen se inscriba para non malgastar recursos valiosos á hora de encomendar a comida.
VÉMONOS NO MONTE !!!
A tua doazón conta!
Serán moi benvidas as doazóns voluntarias e fiscalmente deducíbeis ao proxecto por medio da plataforma Teaming.
