cartaz-subida-o-fondon.jpg

c

O vindeiro sábado, 16 de xullo, a asociación ecoloxista Verdegaia e a asociación  cultural Alén Nos organizarán un roteiro semi-nocturno polo río Fondón e Monte Penide, en Redondela. Quedaremos ás 19:30 na Igrexa de Trasmaño, punto ao que volveremos ao redor de catro horas e media máis tarde, tras percorrermos primeiro o río Fondón ata as brañas do seu nacemento, e logo todo o complexo megalítico de Monte Penide. Remataremos por volta das 24:00 horas. O roteiro é de dificultade media.  

 

As asistentes ó roteiro poderán coñecer os principais ecosistemas deste valioso espazo natural: bosques de ribeira e a flora e fauna que alí vive. Entre a fauna desta área natural salienta a saramaganta. Pola parte patrimonial destacan a asombrosa cantidade de muíños, mámoas e petróglifos na contorna de Monte Penide cara ao Vixiador, así como as espectaculares vistas desde o castro de Negros.
 
Tamén falaremos das dificultades para a conservación deste espazo e dos principias problemas e impactos ós que ten que facer fronte: vertidos, aterros ilegais, especies invasoras, etc.

Para o roteiro é inprescindíbel non esquecer calzado axeitado e lanternas, e se queredes compartir coche ou ir en transporte público, facédenolo saber para poder recoller e xestionar a toda a xente que o poida precisar.

Para máis información contactar con Roi Seoage: 661 24 06 05, vigo@verdegaia.org