Verdegaia celebrou Sábado 15 de Marzo, en Vigo, a súa II Asemblea Xeral, na que, ademais de debater e aprobar informes, planos e orzamentos, procedeu a renovar a súa Comisión Coordenadora Xeral. A II Asemblea Xeral de Verdegaia estivo caracterizada polo debate tranquilo e ten como nova máis destacábel a renovación do seu máximo órgao de goberno entre asembleas, a Comisión Coordenadora Xeral.
A Comisión Coordenadora Xeral está integrada polas cinco persoas que compoñen a Comisión Permanente, @s responsábeis de Área de Traballo e un representante de cada Núcleo Comarcal. Comisión Permanente e Responsabilidades de Área foron renovadas nesta asemblea ficando como segue:
|
Nome |
Comisión Permanente |
Áreas de Traballo |
|---|---|---|
|
Sonia Couso |
Coordenadora Xeral |
|
|
Begoña Carrera Ríos |
Vicecoordenadora Xeral |
|
|
Xosé Maria Garcia |
Secretario Xeral |
Paz e Globalización |
|
Diego R. Vieites |
Vicesecretario Xeral |
Biodiversidade e Territorio |
|
Xan Duro |
Tesoureiro |
Enerxía e Transporte |
|
Miguel Pardellas |
Educación Ambiental |
|
|
Óscar Freire |
Forestal |
|
|
Antón Fortuna |
Litoral |
|
|
Paula Lubián |
Resíduos |
|
Xan Duro, Coordenador Xeral de Verdegaia ao longo destes dous primeiros anos de vida da asociación, deixa este posto de responsabilidade para se ocupar da Tesouraría, asumindo a coordenación xeral de Verdegaia Sonia Couso. As Áreas de Traballo de Litoral e Residuos son de nova criación. A renovación da Comisión Coordenadora Xeral será completada coa das Comisións Coordenadoras Comarcais (nestes momentos 4: Ferrol, Compostela, Vigo e Ourense).
A II Asemblea Xeral de Verdegaia, ademais, debateu e aprobou os informes de organización, actividades e económico do período 2007-2008 e Plano de Comunicación e Formación, Plano de Traballo, Plano de Xeración de Fundos e Orzamentos 2008-2009.
