Unha visión común para transformar a industria europea do papel

Segundo o acordado na reunión do Movemento Forestal Europeo (FME, polas súas siglas en inglés) do 2 de Outubro de 2005. Unha proposta apoiada no noso país por Verdegaia.

Descarga o documento

Preguntas frecuentes 

^{Visión a longo prazo}

^{Nós, os abaixo asinantes, queremos ver unha Europa futura que consuma radicalmente menos papel que na actualidade, cuxo papel o fabrique unha industria que dependa menos da fibra virxe das árbores, maximice o uso dos materiais reciclados, respecte os dereitos territoriais da poboación local, ofreza emprego e teña impactos sociais que sexan beneficiosos, non teñan conflitos e sexan xustos. Queremos ver que todo o papel de Europa se fabrique de fibras de fontes responsábeis e sustentábeis utilizando enerxía completamente renovábel, con auga que estea igual de limpa antes e despois da produción do papel e que non produza ningún residuo nin emisión.}

<sup>Traballo cara a visión

Para traballar cara a esta visión a longo prazo, este documento establece unha axenda para a transformación da industria dentro dos próximos 10 anos.</sup>

^{O papel desempeñou un rol importante na civilización e, na historia da fabricación de papel, a industria evolucionou continuamente para se enfrontar aos desafíos e lograr o desenvolvemento empresarial e o cambio tecnolóxico. O século vinteún está presentándolle novos desafíos á industria do papel a medida que os fabricantes e os consumidores se van decatando dos impactos ambientais e sociais da actividade industrial e se comprometen cun futuro sostíbel.}

^{A pegada ecolóxica total de Europa2 é 2.2 veces a súa capacidade biolóxica e aumentou o 70% desde principios dos anos sesenta. A pegada de todos os países individuais da Unión Europea é maior có nivel sustentábel mundial, o que indica a necesidade de reducirmos o consumo en todos os sectores da economía a menos da metade dos niveis actuais.}

^{Aínda que os produtos de papel producen moitos beneficios, a demanda crecente de papel da sociedade europea deixa unha pegada ecolóxica inaceptabelmente grande no planeta. Algunhas proxeccións mostran que o consumo de papel per cápita aumentará de maneira considerábel nos próximos 10 anos3. Na actualidade, Europa consome 205 quilogramos de papel per cápita, catro veces o promedio mundial. Europa consome 80 millóns de toneladas de papel cada ano, o 25% do consumo mundial.}

^{Debido á súa magnitude, ubicación e uso de recursos, a industria do papel ten unha responsabilidade especial de transformar os seus patróns de produción e consumo cara a procesos que sexan responsábeis en termos ecolóxicos e sociais tanto en Europa como noutros lugares. Europa é unha grande importadora de pulpa e papel doutras rexións e as compañías europeas de papel tamén están expandindo as súas operacións de produción e venda a escala mundial.}

<sup>Un problema apremiante

A produción, o consumo e os residuos de celulosa e papel en Europa teñen moitos impactos ambientais e sociais negativos en todo o planeta. Nalgúns casos, a industria da celulosa e o papel poñen en perigo o sustento dos pobos e teñen impactos negativos na saúde, o benestar e a estabilidade das comunidades locais. A produción de papel xera contaminantes do aire e a auga, produtos residuais e os gases que ocasionan mudanzas climatolóxicas. Esta industria tamén é un dos maiores consumidores de materias primas, como a auga doce, a enerxía e a fibra de bosques.</sup>

^{Os bosques son esenciais para o hábitat da vida silvestre, a conservación da biodiversidade, a protección do clima, o aire e a auga limpa, o sustento da poboación local e a sobrevivencia cultural, a experiencia espiritual e a recreación dos pobos indíxenas e, porén, no mundo, estanse talando moitos bosques maduros e outros bosques en vías de extinción e con alto valor de conservación para obter fibra. Nalgúns lugares, estanse talando os bosques ou outros ecosistemas naturais para converter a área en plantacións de limitado valor ecolóxico que utilizan herbicidas e fertilizantes con sustancias químicas tóxicas e teñen consecuencias devastadoras para a poboación local. O continuo crecemento do sector das plantacións pode exacerbar estes problemas.}

^{Na actualidade, o noventa por cento da fibra utilizada para fabricar papel provén de bosques e plantacións, mais hai oportunidades significativas para reducir o impacto nos bosques a través dunha xestión dos bosques máis sustentábel e a través da reciclaxe e o uso de fibras agrícolas alternativas.}

^{A industria do papel foi un importante foco de presión das organizacións non gobernamentais (ONGs) hai arredor de 10 anos e houbo algún progreso. Sen embargo, aínda quedan importantes problemas por resolver e, en moitos casos, exportáronse os problemas de contaminación. Aos adquisidores importantes de papel preocúpaos o ciclo vital dos produtos que compran e as ONGs achan que a industria do papel é un actor importante que ten grandes impactos en comunidades arredor do mundo, o mesmo que nos bosques, a auga doce e o clima mundial.}

^{A industria do papel ten unha tradición de innovación, e pode, ou mellor dito, debe aceptar este repto.}

Metas para transformar a produción, o comercio e o uso de papel

^{Nós, as ONGs asinantes, facemos un chamamento á industria do papel, aos consumidores e consumidoras, aos gobernos e ás organizacións non gobernamentais para que adopten e se comprometan con accións urxentes cara as seguintes metas, que se aplican a todo o ciclo vital do papel4:}

• ^{diminuír o consumo de papel;}

• ^{reducir a dependencia da fibra virxe;}

• ^{garantir a responsabilidade social;}

• ^{abastecerse de fibra responsabelmente;}

• ^{garantir a produción limpa.}

^{Reducir o consumo de papel}

• ^{Eliminar o consumo de papel excesivo e innecesario.}

• ^{Desenvolver e promover tecnoloxías e sistemas creativos e innovadores que reduzan o consumo de fibra e maximicen a eficiencia.}

• ^{Traballar cos consumidores e consumidoras de forma proactiva para lles ensinar a reducir o consumo de papel.}

^{Reducir a dependencia da fibra virxe de árbores}

• ^{Maximizar o contido de fibra reciclada post consumo no papel e os produtos de papel e desenvolver máis produtos de papel 100% reciclados.}

• ^{Maximizar a reciclabilidade e apoiar a captación e os sistemas mellorados de recolla de residuos de papel reciclábeis de forma proactiva.}

• ^{Maximizar a eficiencia da fibra reducindo as gramaxes do papel e o deseño dos produtos.}

• ^{Aumentar o uso doutros materiais recuperados (por exemplo, residuos agrícolas e contido reciclado pre consumo) como unha fonte de fibra para o papel.}

• ^{Raramente fabricar papel unicamente de fibra virxe de árbores.}

^{Garantir a responsabilidad social}

• ^{Respectar os dereitos humanos e cumprir e proactivamente desenvolver as normas sociais e laborais fundamentais5 e os convenios internacionais pertinentes6 para a protección dos dereitos humanos.}

• ^{Garantir o consentemento libre e informado da poboación local a través de métodos de consulta significativos e adecuados desde o punto de vista cultural nas áreas de onde proveñen as materias primas e onde ocorre a produción.}

• ^{Recoñecer e respectar os dereitos con base legal ou tradicional dos pobos indíxenas a controlaren as súas terras tradicionais e protexeren a súa identidade cultural.}

• ^{Respectar os dereitos das comunidades locais a un ambiente san e os dereitos de participación como partes interesadas principais na planificación do uso da terra.}

• ^{Asegurar os dereitos dos traballadores e traballadoras, o que inclúe os traballadores e traballadoras dos subcontratistas, a un emprego beneficioso e un ambiente de traballo seguro.}

• ^{Inverter a tendencia cara a unidades industriais cada vez máis grandes e promover a propiedade comunitaria e o desenvolvemento dunha diversidade de pequenas e medianas empresas no sector do papel.}

• ^{Respectar e apoiar as economías locais sobre a base dunha visión social e ambiental a longo prazo preparada xunto coas comunidades e os negocios locais.}

^{Abastecemento de fibra responsábel}

• ^{Deixar de se abastecer de fibra de madeira de fontes, provedores ou operacións descoñecidas, ilegais ou controvertidas.}

• ^{Eliminar o uso de fibra de madeira que poña en perigo os bosques e os ecosistemas en vías de extinción e con alto valor de conservación.7}

• ^{Eliminar o uso de fibra proveniente da conversión de bosques naturais ou outros ecosistemas con alto valor de conservación en plantacións para fibra de papel8.}

• ^{Abastecerse de cualquera fibra de madeira virxe para papel de xestores forestais que teñan unha certificación críbel, independente e dun terceiro de que utilizan as prácticas de manexo e restauración forestal máis ambiental e socialmente responsábeis. O Consello de Manexo Forestal (FSC, polas súas siglas en inglés) é, na actualidade, o único programa de certificación internacional que se achega a atinxir esta meta.}

• ^{Desenvolver o uso de cultivos alternativos para o papel se unha análise exhaustiva e críbel indica que son ambiental e socialmente preferíbeis a outras fontes de fibra virxe.}

• ^{Eliminar o uso industrial de pesticidas, herbicidas e fertilizantes químicos na produción de fibra e aplicar o manexo integrado de pragas.}

• ^{Rexeitar a fibra de organismos xeneticamente modificados.}

• ^{Substituír “o afastado polo próximo”, utilizando fibra abastecida localmente e minimizando o transporte cando for posíbel.}

^{Garantir a produción limpa}

• ^{Minimizar o consumo de enerxía e utilizar só fontes de enerxía renovábel.}

• ^{Utilizar a mellor tecnoloxía dispoñíbel para minimizar o uso de auga, enerxía, sustancias químicas e outras materias primas e minimizar as emisións ao aire e á auga, os residuos sólidos e a contaminación térmica.}

• ^{Eliminar os desperdicios tóxicos e as descargas das fábricas de papel.}

• ^{Reducir a brillantez dos produtos para diminuír os niveis de branqueo.}

• ^{Eliminar o uso de cloro e compostos de cloro para o branqueo.}

• ^{Deseñar sistemas de produción para minimizar os residuos maximizando a reutilizabilidade e a reciclabilidade dos produtos finais.}

• ^{Garantir que os sistemas de produción non entorpezan a produción local de alimentos nin poñan en perigo os servizos ambientais ou os recursos do ecosistema, como a calidade da auga, e o seu uso equitativo.}

<sup>Traballarmos xuntos cara a unha solución

Nós, os asinantes, unímonos para transformarmos a produción e o consumo de papel de forma positiva. Entendemos que alcanzar estas metas podería supor importantes sacrificios e que se necesita máis investigación nalgúns asuntos. Tamén recoñecemos o rol único e complementario que desempeña cada compañía, organización, goberno e individuo en levar á industria do papel cara a sustentabilidade ambiental e social.</sup>

^{Facemos un chamamento aos gobernos e á industria a implementaren esta visión con completa transparencia:}

• ^{desenvolvendo políticas e obxectivos vinculantes e comprometéndose cun proceso atado a un prazo de tempo para cumprir estas metas;}

• ^{comprometéndose a presentar informes transparentes, regulares, públicos e exhaustivos sobre o progreso destas metas utilizando como marco as guías do Global Reporting Initiative.}

• ^{demostrando e presentando informes sobre a cadea de custodia para todos os produtos;}

• ^{garantindo que todos os produtos finais estean etiquetados para informar aos consumidores e consumidoras sobre o contido de fibra e para prover lugares onde a información sobre as fontes e os métodos de produción estea dispoñíbel publicamente.}

^{Comprometémonos a:}

• ^{facer campañas en contra de actividades da industria da celulosa e o papel que sexan prexudiciais en termos sociais e ambientais;}

• ^{seguir o progreso da industria cara a esta visión;}

• ^{desenvolver a colaboración/o diálogo entre as ONGs, a industria progresista e outras institucións;}

• ^{animar aos gobernos a desenvolveren medidas lexislativas e fiscais acordes coa visión;}

• ^{traballar con organizacións de rexións de fóra de Europa que reciben o impacto da industria europea do papel;}

• ^{elaborar guías sobre compras e adquisicións responsábeis.}