Esta fin de semana participamos por primeira vez nas Olimpíadas Populares Galegas, un evento anual que reúne a asociacións e centros sociais do país para a celebración de diversas probas deportivas.

Mapa das instalacións onde se celebraron as Olimpíadas Populares

A edición de este ano celebrouse na zona da Xunqueira, en Moaña, nun entorno dificilmente mellorable tanto pola contorna natural como polas instalacións nas que se realizaron as probas. E a pesar da índole competitiva das probas, cumpre destacar que prevaleceu a harmonía e o ambiente festivo entre os participantes e as equipas.

A participación de Verdegaia foi máis que honrosa con a vitoria na proba de chave, o segundo posto en loita e o cuarto posto no voleibol, ademais da participación en moitas outras probas.
Parabéns a todas as socias que fixestes posible a participación de Verdegaia nestas Olimpíadas, e un especial agradecemento a Xandra da Cova e aos compañeiros do Faísca que nos axudaron a completar as equipas en diversas probas.