Dentro das actividades da Casa Solidaria, Verdegaia realizará un obradoiro de contrapublicidade o martes 9 de decembro de 20:00 a 21:00 h (na mesma Casa da Xuventude).

Este obradoiro consiste en analizar diferentes anuncios publicitarios e logo facerlle o contraanuncio, de tal xeito que convida a reflexionar sobre o contido de anuncios que vemos diariamente.

Esta actividade serve para decatarnos das mensaxes que nos transmiten os anuncios, precisamente nesta época de Nadal onde, se é posible, se agrava a situación aínda máis, xa que moitos deles están dirixidos ós/ás máis pequenos/as da casa.

Animádevos a participar, soamente fai falla pensar un pouco e deixar libre a creatividade.