Estas imaxes son do Parque Forestal de Beade (Vigo), despois de que onte se celebrase unha festa universitaria. A autoridade universitaria non permitiu que a festa se celebrara nas instalación do CUVI, polo que as persoas organizadoras optaron por desprazar o evento ao veciño parque forestal de Beade.
Entre todos os pensamentos que nos rulan pola cabeza, prevalece o de decepción. Decepción por verificar como xente nova e academicamente preparada demostra semellante nivel de desprezo pola natureza.
Aínda así mantemos unha visión optimista cara o futuro e vennos á mente as imaxes de fai apenas dúas semanas nas que milleiros de mozas e mozos encheron as rúas de medio mundo esixindo a aplicación de medidas que impidan a continua degradación ambiental do noso planeta.
