Organizado pola rede de colectivos” A Ría Non se Vende”, da que fai parte Verdegaia, xunto coa Comisión veciñal de afectados pola depuradora do Lagares, convócase o 1º certame do concurso fotográfico "O antes e o agora do Humedal do Lagares".
O Medio ambiente e o coñecemento do noso patrimonio natural e cultural é o protagonista deste certame.
O obxectivo que se busca é duplo: por unha banda, concienciar e agudizar o sentido crítico das persoas sobre o medio que as rodea e en concreto sobre a Xunqueira do Lagares, o humedal máis importante de Vigo e contorna; e por outro, denunciar tanto a depuradora actual como o proxecto de macrodepuradora que lonxe de arranxar o problema do saneamento de Vigo o que vai provocar é a desaparición da Xunqueira e amplificar os problemas de contaminación na nosa ría.
Para isto empregamos un medio como é a fotografía que está ao alcance da maioría da poboación. As fotos poden amosar lugares e elementos diversos:
Fai unha foto na Xunqueira da flora, da fauna, da súa paisaxe, dun dos seus fermosos recunchos. .. ou dunha agresión da marisma ou algo que queiras denunciar! ! !
Anímate e participa!
Consulta as bases do concurso!