Dende a Plataforma pola protección da Serra do Galiñeiro, da que fai parte Verdegaia, pedimos o apoio da cidadanía. Trátase neste caso de asinar unha alegación en contra do Proxecto do “Parque Eólico Serra do Galiñeiro”. Se somos moitos e moitas podemos paralo!!!
É sabido de todos que os polígonos eólicos non se poñen onde hai máis vento, nin onde destragan menos a natureza, nin onde fai máis falla a enerxía, nin onde máis necesidades económicas ten a poboación. Póñense onde menos oposición atopan as multinacionais para a súa construción. Naqueles lugares en que a montaña, as serras ou campo están abandonados, e os seus propietarios e os poucos veciños que alí quedan non teñen nada mellor que facer co monte que entregarllo por “dúas chicas” aos especuladores.
Os e as que formamos a Plataforma pola Protección da serra do Galiñeiro estamos convencidos/as de que este non é o caso da bisbarra de Vigo e menos dos que vivimos arredor desta emblemática serra. Ao Galiñeiro dámoslle moitos usos e tiramos moito proveito del e por riba de todo disfrutamos del.
Pretendemos inundar as Consellerías de Economía e Industria e de Medio Ambiente Territorio e Infraestruturas coas nosas alegacións. Que todo aquel/aquela que sinta o Galiñeiro como seu manifeste a súa oposición a que esta serra nola usurpen e lle sexa entregada por uns míseros euros anuais, e de por vida, a unha empresa da que o único beneficiario que coñecemos é un banco suizo.
Temos ata o 30 de novembro para facelo. Pero como sempre é mellor non deixalo para a última hora. Podes entregar a alegación ti mesmo/a nas dependencias da Xunta en calquera provincia ou nos concellos e outros organismos que teñan portelo único. Pero se tes dificultade para ir a eses lugares podes deixala nos puntos que máis abaixo indicamos antes do 25 de novembro, onde nós as recolleremos e despois as entregaremos todas xuntas.
Por suposto que ti podes facer a alegación que che praza se non che gusta a que che propoñemos. Que saibas que moitas asociacións están preparando a súa e que a Plataforma está traballando para presentar unha moi exahustiva e fundamentada.
Se ti formas parte dunha asociación, pedímosche que este comunicado o difundas dende o teu colectivo e que recollades vós as alegacións xa cumprimentadas para despois pasárnolas á Plataforma. Deste xeito chegaremos a máis persoas. Moitas grazas.
ONDE DEIXAR A TÚA ALEGACIÓN……………………………….
ONDE DEIXAR A TÚA ALEGACIÓN |
|
|||||||
|
VINCIOS (Gondomar) |
GONDOMAR (centro) |
GONDOMAR (centro) |
VIGO (As Travesas) |
VIGO (Pi Y Margal) |
O MORRAZO |
NO CONDADO |
COMPOSTELA |
|
Centro Cultural
|
IEM (INSTITUTO DE ESTUDOS MIÑORANOS) |
Librería LIBRAIDA |
Tenda IMAGINARTE
|
Tenda “Terra Deporte Aventura” |
No buzón de Palmás, nº 2. DOMAIO (É na estrada provincial) |
I.E.S. A Granxa Ponteareas |
Sede de ADEGA
|
|
Barrio de Piñeiro |
Avd. da Feira, nº 10 |
|
Avd. do Fragoso, 43 |
Pi y Margall, 53 |
|
|
Rúa Travesa de Basquiños Nº 9 |
|
Mañán e tarde (Nas oficinas) Pola noite (Na cafetería) |
De 7 a 10 da noite. |
Horario de tenda |
Horario de tenda |
Horario de tenda |
Calquera hora |
Horario escolar |
Horario de oficina |
Ánimo! Ánimo! Ánimo!
Descarga o modelo de alegacións.