O vindeiro mércores día 20 de marzo terá lugar en Compostela a segunda sesión do ciclo de cinema e debate “Coñecer para Cambiar” que organizan as asociacións A Xuntanza, Amarante e Verdegaia.
Nesta sesión proxectarase o documental “In Transition 2.0”, que trata sobre o Movemento En Transición, un movemento social presente en máis de 34 países e que engloba a comunidades que responden ao cambio climático con creatividade e humor, centrándose na reconstrucción das súas economías e comunidades locais mediante iniciativas de agricultura urbana, moedas complementarias, alternativas enerxéticas etc.
Co ciclo de cinema “Coñecer para Cambiar” preténdese abrir un espazo para o coñecemento e a reflexión acerca de diferentes problemáticas sociais e ambientais (consumismo, medio ambiente, banca ética, etc), empregando a linguaxe audiovisual para achegar estas realidades ao público en xeral e promover o intercambio de ideas e inquedanzas, nun clima ameno e distendido.
Todas as proxeccións do ciclo realízanse o terceiro mércores de cada mes ás 20h no local da Asociación Veciñal A Xuntanza (Corredoira das Fraguas, 37). A entrada é de balde e até completar o aforo.
Ademais, este ano os colectivos organizadores deron inicio á primeira edición do concurso de curtas “Filmar para Cambiar”. Até o 30 de abril as persoas, colectivos e centros sociais ou educativos interesados en participar poderán enviar as súas curtas, que serán proxectadas no derradeiro día do ciclo de cinema, o 22 de maio. A curta gañadora do concurso será elexida ese mesmo día por votación do público.
As bases do concurso pódense consultar nas webs dos colectivos organizadores:
Para máis información:
– Sonia (AV A Xuntanza) 619 241 653. Correo: soigca@gmail.com
– Raquel González (Amarante) 696 122 542. Correo: raquel.lanegraflor@gmail.com
– Bea (Verdegaia). Correo: bea_c.glez@yahoo.es
