O desvío de visitantes desde Cíes provoca a masificación de Ons
- Detalles
- Publicado o Xoves, 23 Agosto 2018 11:36
- Visitas: 427
O desvío de visitantes a Ons para non exceder o límite en Cíes está a facer que se exceda sobradamente a cota de 1.800 persoas/día prevista no borrador do PRUX que leva 15 anos de retardo, podendo ocasionar problemas ambientais e de seguridade.
A grande demanda de visitas ás illas Cíes está a ocasionar que se desvíen visitantes á illa de Ons para non exceder a cota de 2.200 persoas/día fixados para o arquipélago vigués. Deste xeito, a illa de Ons está a soportar unha carga de visitantes de ata 4.000 persoas/día, excedendo en grande medida as 1.800 previstas no borrador do Plano Reitor de Uso e Xestión (PRUX) que a Xunta de Galicia e a Dirección do Parque Nacional levan xa 15 anos sen aprobar, coas consecuencias nefastas que isto ocasiona para a conservación dos valores naturais e para a seguridade das persoas.
O control do exceso da cota de visitantes nas illas Cíes ten que contar cunha visión integral que abranga todos os arquipélagos do Parque Nacional e que pase pola aprobación do PRUX, xa que este é o documento que rexe os usos que se poden levar a cabo no espazo protexido. Calquera outra solución que non contemple a aprobación deste documento é insuficiente.
Encontro entre Ecologistas en Acción e ContraMINAcción en Ribeira
- Detalles
- Publicado o Xoves, 28 Xuño 2018 12:17
- Visitas: 962
Activistas de Ecologistas en Acción que viaxan a bordo do veleiro da organización “Diosa Maat” atracado no náutico de Ribeira, e representantes da plataforma contra a minaría destrutiva de Galiza “ContraMINAcción” (na que está integrada Verdegaia) teñen programado para esta tarde un encontro de traballo. Nel estudaranse estratexias comúns contra estes proxectos, que poden resultar moi daniños para o ambiente, a saúde das persoas e os seus medios de vida sostible como a agricultura, o turismo, a pesca ou o marisqueo.
Posteriormente, ás 19:00, na sala multimedia do Concello de Ribeira “Lustres Rivas”, un dos activistas de Ecologistas en Acción e responsable de minería da organización, Isidoro Albarreal, vai explicar as eivas, problemas e ilegalidades do proxecto que a mineira Atalaya Mining ten na mina de Riotinto. Lémbrese que Atalaya Mining é a empresa que tamén está a promover o proxecto de minaría en Touro-O Pino.
Brigada deseucaliptizadora en Froxán.
- Detalles
- Publicado o Luns, 25 Xuño 2018 07:14
- Visitas: 531
O sábado 7 de xullo continúan os traballos dedeseucaliptización (e desta volta tamén desacaciación) na Área Conservada pola Comunidade Veciñal de Froxán, en Lousame. Desta volta centrarémonos na eliminación de rebotes de eucalipto nunha zona de bosque de ribeira na que cortaron eucaliptos e plantaron frondosas no verán e outono do ano pasado. Nesta pequena zona coexisten os hábitats naturais prioritarios 5230* e 91E0* así como o hábitat 9230 e covas con importantes colonias de morcegos de ferradura, unha especie incluída no catálogo galego de especies ameazadas. Na mesma zona observáronse outras especies incluidas no mesmo catálogo, como Dryopteris guanchica, Chioglossa lusitanica, Rana iberica, Schistostega pennata, etc.
Os traballos en Froxán comezarán ás 10 da mañá, mais é imprescindíbel estar no punto de encontro (que será comunicado ás persoas inscritas) ás 9h30 para irmos xuntas á zona da intervención. Para participar nesta acción é imprescindíbel en primeiro lugar estar inscrito como Brigadista (mediante o formulario web: http://verdegaia.org/brigadas/
A Asociación Fontaíña, o Colectivo Matogueira e Verdegaia convocan unha concentración contra a declaración das praias da Calzoa e da Foz como praias caninas polos seus valores naturais
- Detalles
- Publicado o Luns, 11 Xuño 2018 18:53
- Visitas: 921
Este areal é un dos poucos que contan con dunas en Vigo e nel repousan e aliméntanse numerosas aves acuáticas, algunha delas catalogada no Anexo I da Directiva Aves
A Asociación Fontaíña, o Colectivo Matogueira e Verdegaia convocan unha concentración contra a declaración das praias da Foz e da Calzoa como praias caninas, o vindeiro domingo 17 de xuño ás 12 h. no aparcadoiro da praia da Calzoa, baixo os lemas “Canina si mais non aquí” e “As aves da Calzoa tamén teñen dereitos”.
Os colectivos convocantes contan co apoio doutras asociacións como ADEGA, Amigos da Terra, a Asociación de Veciños de Coruxo, a Asociación Treze Catorze, o Colectivo de Defensa Ambiental A Terra Non Se Vende, o Grupo de Anelamento Anduriña, o Grupo Naturalista Hábitat, Luita Verde, a Rede de colectivos A Ría Non Se Vende, a Sociedade Galega de Historia Natural e a Sociedade Galega de Ornitoloxía e coas máis de mil sinaturas recollidas nos últimos meses en contra desta medida municipal.
Mobilidade urbana alternativa
- Detalles
- Publicado o Martes, 29 Mai 2018 05:56
- Visitas: 553
Verdegaia ven de participar n’A Pedaliña, feira da bicicleta en Vigo, cun posto no que mediante elementos gráficos amosábamos unha forma alternativa de mobilidade urbana.
Este tipo de eventos non deben reducirse a unha simple celebración, senón que deben servir para que a cidadanía tome consciencia dun tipo de mobilidade diferente que non se centre no vehículo privado motorizado.
Estamos a tempo de crear e facilitar espazos para a bicicleta. Un destes espazos son os carrís bici mais non deben reducirse a un mero carril por onde non estorbe os coches. Debe constituír unha rede que articule a mobilidade en bicicleta, tratando de facilitar a mobilidade entre os espazos de vida e de traballo. Porque o que precisamos non son proxectos megalómanos, senón unha correcta planificación e un consenso co movemento asociativo vigués da bicicleta.
Segunda Brigada Deseucaliptizadora: Lentille (O Ribeiro)
- Detalles
- Publicado o Xoves, 24 Mai 2018 08:25
- Visitas: 574
O vindeiro sábado, día 26, botámonos de novo ao monte, esta vez en Lentille, no concello de Cenlle (O Ribeiro).
O obxectivo desta segunda Brigada é a erradicación de acacias, unha especie exótica invasora que supón un serio problema ambiental polo seu rápido crecemento, por competir coas especies autóctonas e pola acidificación do solo que trae consigo.
Os numerosos lumes que asolaron Galiza durante o verán pasado favoreceron a proliferación das acacias, converténdose nun grave problema para as zonas afectadas, como é o caso de Lentille.
Os Encontrinhos 2018 xa están en marcha
- Detalles
- Publicado o Domingo, 20 Mai 2018 18:13
- Visitas: 867
Os Encontrinhos 2018 xa están en marcha!
Como en anteriores edicións, os Encontrinhos prentenden ser un espazo de encontro de ciclousuarios e ciclousuarias, no que disfrutar da paisaxe, a cultura e a gastronomía das nosas vilas.
A organización dos Encontrinhos corre a cargo dun grupo de persoas cunha paixón en común, a bicicleta. Tamén colaboran na organización do evento, ademais de Verdegaia, os colectivos Pedaladas, MOBI-LIZA e SGEA.