Apoiamos as mobilizacións na defensa do Ensino no rural
- Detalles
- Publicado o Martes, 11 Setembro 2012 09:34
- Visitas: 195
A Xunta pretende facer agrupamentos en infantil e primaria por debaixo de 18 alumnos e alumnas, o que implican a supresión de decenas de unidades e de mestras e mestres (54 mestras e mestres e 40 unidades só na provincia de Lugo). Isto leva a xuntar nenas e nenos de distintas idades e mesmo de distintos ciclos na mesma aula, co conseguinte deterioro da calidade do ensino.
Esta medida afecta fundamentalmente ás zonas rurais, xa castigadas polo despoboamento, e constitúe un ataque á base do sistema educativo (infantil e primaria).
O problema dos agrupamentos prexudica gravemente aos servizos públicos básicos do rural, xa escasos e constitúe o comezo da súa liquidación definitiva dificultando a volta ao campo como unha alternativa de soberanía alimentaria á crise.
Apoio ao Ateneo Ferrolán
- Detalles
- Publicado o Luns, 03 Setembro 2012 17:32
- Visitas: 290
Dende a asociación ecoloxista Verdegaia, Núcleo Comarcal de Ferrol, Eume e Ortegal, queremos manifestar o noso apoio ao Ateneo Ferrolán ante a operación do goberno municipal do Concello de Ferrol que pretende ocupar a actual sede do Ateneo con outras entidades, reducindo o espazo ateneísta a unha pequena parte na que dificilmente poderían desenvolverse as actividades habituais da entidade, así como o cambio do nome da súa sede, polo de “Centro cultural y cívico Concepción Arenal”.
O Ateneo ferrolán é un lugar plural, democrático, aberto á cidadanía, impulsor de actividades de carácter cultural, social e progresista, asi como defensor dos valores culturais do noso pais. En tódalas ocasións nas que solicitamos como asociación as instalacións do Ateneo para desenvolver actividades de xeito temporal, cedéronsenos desinteresadamente e con maiores facilidades das proporcionadas por outros espazos xestionados directamente polo Concello de Ferrol. Precisamente, o valor destas instalacións reside, tanto na súa centralidade, como na súa amplitude e no feito de non estar compartimentadas.
Resposta ao presidente sobre o enchido da antiga mina das Pontes
- Detalles
- Publicado o Venres, 31 Agosto 2012 15:05
- Visitas: 733
Augas de Galiza nas que manifestaba non ter constancia de que se lle solicitaran datos sobre a calidade das augas que enchen o oco da antiga mina de lignito das Pontes. As devanditas entidades comunican que, cando menos en cinco ocasións no último ano, enviaron vía correo electrónico (medio indicado como máis idóneo polo propio organismo Augas de Galiza) solicitudes ao respecto. ADEGA, Verdegaia e a SGHN cuestionan a calidade das augas que enchen a antiga mina das Pontes
- Detalles
- Publicado o Venres, 24 Agosto 2012 08:14
- Visitas: 344
A inauguración do mal chamado “lago de As Pontes”, en realidade unha balsa mineira, amosa numerosas incertidumes e máis que posíbeis riscos para a saúde e o ambiente. Para ADEGA, Verdegaia e SGHN a recente autorización do baño nestas augas resulta sorprendente, por canto Augas de Galiza continúa sen propocionar datos sobre a súa calidade. Esta información, imprescindíbel para avaliar o estado da balsa e, consecuentemente, os posíbeis riscos ambientais e cidadás, foille solicitada até catro veces ao longo deste último ano á Consellería de Medio Ambiente e segue sen aparecer na súa web. Cais son as razóns desta ocultación deliberada?
As únicas previsións do que acontecerá na balsa son as achegadas por ENDESA no Proxecto e Estudo de Impacto Ambiental do enchido do oco da mina con auga do Eume. A empresa afirmaba que os niveis de metais pesados tras o proceso de enchido manteríanse en valores practicamente idénticos aos do escenario inicial. Para as nosas entidades, isto non é suficiente. Tendo en conta que os metais pesados (neste caso arsénico, manganeso e aluminio) acumúlanse no organismo humano, a utilización destas augas para o baño podería carrexar graves consecuencias para a saúde. Por iso, fronte a unha administración desaparecida, os nosos grupos imos realizar análises fisicoquímicas periódicas e facer públicos os resultados.