Inxustiza contra defensorxs do ben común
- Detalles
- Publicado o Luns, 18 Febreiro 2013 12:23
- Visitas: 135
Apoiamos as mobilizacións das plataformas contra os desafiuzamentos.
- Detalles
- Publicado o Xoves, 14 Febreiro 2013 17:45
- Visitas: 133
De Verdegaia queremos facer explícito o noso apoio ás mobilizacións convocadas para este vindeiro sábado 16 de febreiro polas plataformas contra os desafiuzamentos. Porque non hai argumento que poida admitir que se manteña o estado actual de cousas ao respecto das leis hipotecarias e a relación de forzas entre a poboación dunha banda e certos sectores políticos e económicos doutra.
Podedes consultar lugares e horarios de diversas manifestacións no Estado (incluídas as galegas) na páxina da PAH:
http://www.afectadosporlahipoteca.com/16f-movilizacion-contra-el-genocidio-financiero-senalamos-a-los-responsables-y-exigimos-stop-desahucios-dacion-en-pago-retroactiva-y-alquiler-social-ya/
Coñecer e filmar para cambiar
- Detalles
- Publicado o Xoves, 14 Febreiro 2013 10:12
- Visitas: 333
A Asociación Veciñal A Xuntanza, Amarante e Verdegaia convídanvos a unha nova edición do ciclo de cinema Coñecer para Cambiar. Nos vindeiros meses proxectaremos documentais sobre temáticas de candente actualidade: as finanzas éticas, as sociedades "en transición" e os perigos da privatización da auga. Animádevos a vir, ver e debatir! Haberá chocolate quente para acompañar as temperaturas invernais. Ademais este ano animámosvos a participar tamén en Filmar para Cambiar, un concurso de curtas que busca promover as visións críticas coas problemáticas socioambientais que estamos a sufrir. As curtas participantes exporanse na derradeira sesión do ciclo e o público votará aquela que máis lle guste, premiándoa con dúas cestas cheas de produtos de comercio xusto e de produtos de hortas locais.
As proxeccións serán os terceiros mércores de mes no local da AAVV A Xuntanza, en Compostela.
Podes descargar a programación, as bases do concurso e o formulario de inscrición.
Roteiro río Mero
- Detalles
- Publicado o Venres, 08 Febreiro 2013 10:25
- Visitas: 239
Verdegaia organiza o domingo 17 de febreiro o roteiro polo río Mero, clásico roteiro pero esta vez coñeceremos as problemáticas ambientais da súa contorna. Percorreremos as beiras do río Mero por pistas de terra dende O Burgo ate a presa de Cecebre. Disfrutaremos do entorno natural coa vexetación típica de castiñeiros, carballos, bidueiros, ...así como una enorme variedade de fentos e prantas. Visitaremos a casa de Wencelao Fernádez Florez e o que queda da Fraga de Cecebre. Ademais coñeceremos a problemética da ría do Burgo, a mobilidade na área metropolitana e o transvase Meirama-Cecebre.