Verdegaia - Ferrol
Verdegaia esixe a paralización e desmantelamento de REGANOSA
- Detalles
- Publicado o Sábado, 09 Xuño 2012 21:44
- Visitas: 271
O Tribunal Supremo desestimou a apelación de REGANOSA e confirmou a nulidade da modificación puntual do Plan Xeral de Ordenación Municipal do Concello de Mugardos por carecer da Declaración de Impacto Ambiental. Dende Verdegaia, sumámonos á esixencia do Comité Cidadán de Emerxencia para que se execute a sentenza, paralizando a actividade da planta de REGANOSA e apostando polo seu desmantelamento. Esta instalación é unha ameaza permanente para milleiros de persoas da bisbarra, un foco de contaminación para a ría de Ferrol e supón un enorme perxuízo para os bancos marisqueiros.
Solidaridade coas mariscadoras e mariscadores da Ría de Ferrol
- Detalles
- Publicado o Mércores, 21 Marzo 2012 14:45
- Visitas: 404
Os días 22, 26 e 28 de Marzo, oito mariscadores van ser xulgados polos feitos acaecidos en Maio de 2007, cando a mobilización organizada polo Comité Cidadán de Emerxencia para a Ría de Ferrol, acadou a paralización da entrada ilegal do primeiro gaseiro cargado con GNL na nosa Ría. Verdegaia súmase ao chamado á cidadanía a expresar a súa solidaridad co colectivo dos mariscadores, na defensa do emprego, na defensa da Ría e da súa recuperación, acompañando os mariscadores o día 22 de Marzo ás 10 horas diante dos Xulgados de Ferrol.
Domingo 25 de marzo “Vai de roteiros" pola ZEPA Costa de Ferrolterra-Valdoviño (LIC Costa Ártabra)
- Detalles
- Publicado o Martes, 20 Marzo 2012 18:11
- Visitas: 464
Verdegaia organizará o vindeiro domingo 25 de marzo un novo roteiro encadrado no programa roteiros de Verdegaia Vai de roteiros!, desta volta pola Costa de Ferrolterra-Valdoviño. Sairemos ás 10:45 h na escalinata de Correos en Ferrol para coller o bus de Cedeira ás 11 (Ollo co cambio horario!!!). Hora de regreso: 17:30 h (no bus de Valdoviño-Ferrol dende Taraza).