Semana da Mobilidade 2011 Desprázate de forma eficiente: mellora a túa mobilidade!
- Detalles
- Publicado o Xoves, 15 Setembro 2011 17:02
- Visitas: 588
Chega un ano máis a Semana Europea da Mobilidade (do 16 ao 22 de setembro) co lema “Desprázate de forma eficiente: mellora a túa mobilidade!”. Distintas cidades galegas van participar da mesma, mais segue a estar ausente unha implicación serie e rigorosa de todas as administracións para reducir o impacto do transporte ao longo de todo o ano, fomentando alternativas e apostando pola creación de proximidade
Galicia xa non precisa do carbón para se autoabastecer de electricidade
- Detalles
- Publicado o Venres, 22 Xullo 2011 10:26
- Visitas: 710
Por primeiro ano, durante
2010 a electricidade producida nas centrais térmicas de carbón das
Pontes (ENDESA) e de Meirama (Gas Natural Fenosa) foi inferior á
exportada desde Galicia a Portugal e ao resto do Estado español.
Galicia podería prescindir hoxe da produción eléctrica sucia e
ineficiente do carbón e reducir así drasticamente a súa pegada
ecolóxica , debida sobre todo ás emisións excesivas de dióxido de
carbono (CO2), o principal gas causante do cambio
climático (1). As centrais de carbón de Meirama e As Pontes
emitiron en 2010 máis CO2 que o resto das industrias
galegas que participan no comercio europeo de emisións.
Bandeiras Negras 2011
- Detalles
- Publicado o Luns, 18 Xullo 2011 13:37
- Visitas: 676
Ecoloxistas en Acción
presentou o informe "Banderas Negras 2011. Esto es una
barbaridad", no que se realiza unha análise das causas
primordiais da degradación das costas españolas e se identifican os
principais lugares desa deterioración. A destrución das costas
españolas ten como referencias esenciais a colmatación urbanística,
as verteduras orgánicas e industriais, os portos e as obras en
costas e rexeneracións de praias. Verdegaia colaborou na elaboración
da parte do informe referida a Galicia.