Novas de Verdegaia-Ferrol

Verdegaia esixe a paralización e desmantelamento de REGANOSA

Detalles: Categoría: Novas; Publicado o Sábado, 09 Xuño 2012 21:44; Visitas: 275

O Tribunal Supremo desestimou a apelación de REGANOSA e confirmou a nulidade da modificación puntual do Plan Xeral de Ordenación Municipal do Concello de Mugardos por carecer da Declaración de Impacto Ambiental. Dende Verdegaia, sumámonos á esixencia do Comité Cidadán de Emerxencia para que se execute a sentenza, paralizando a actividade da planta de REGANOSA e apostando polo seu desmantelamento. Esta instalación é unha ameaza permanente para milleiros de persoas da bisbarra, un foco de contaminación para a ría de Ferrol e supón un enorme perxuízo para os bancos marisqueiros.

Engadir comentario (0)

Ler máis...

Solidaridade coas mariscadoras e mariscadores da Ría de Ferrol

Detalles: Categoría: Novas; Publicado o Mércores, 21 Marzo 2012 14:45; Visitas: 407

Os días 22, 26 e 28 de Marzo, oito mariscadores van ser xulgados polos feitos acaecidos en Maio de 2007, cando a mobilización organizada polo Comité Cidadán de Emerxencia para a Ría de Ferrol, acadou a paralización da entrada ilegal do primeiro gaseiro cargado con GNL na nosa Ría. Verdegaia súmase ao chamado á cidadanía a expresar a súa solidaridad co colectivo dos mariscadores, na defensa do emprego, na defensa da Ría e da súa recuperación, acompañando os mariscadores o día 22 de Marzo ás 10 horas diante dos Xulgados de Ferrol.

Engadir comentario (0)

Ler máis...

Domingo 25 de marzo “Vai de roteiros" pola ZEPA Costa de Ferrolterra-Valdoviño (LIC Costa Ártabra)

Detalles: Categoría: Novas; Publicado o Martes, 20 Marzo 2012 18:11; Visitas: 468

Verdegaia organizará o vindeiro domingo 25 de marzo un novo roteiro encadrado no programa roteiros de Verdegaia Vai de roteiros!, desta volta pola Costa de Ferrolterra-Valdoviño. Sairemos ás 10:45 h na escalinata de Correos en Ferrol para coller o bus de Cedeira ás 11 (Ollo co cambio horario!!!). Hora de regreso: 17:30 h (no bus de Valdoviño-Ferrol dende Taraza).

Engadir comentario (0)

Ler máis...

Anegamentos na lagoa de A Frouxeira

Detalles: Categoría: Novas; Publicado o Venres, 30 Decembro 2011 19:28; Visitas: 509

Verdegaia salienta que a lagoa e areal de A Frouxeira, como espazo incluido na Rede Natura 2000, humidal protexido e zona ZEPA, é un Ben de Interés Xeral e na súa xestión non debe prevalecer o beneficio a unha minoría, senón a utilidade e valor ambiental que lle aporta a toda a cidadanía no seu conxunto. O anegamento de terreos próximos é debido a un proceso natural agravado pola neglixente usurpación da marxe leste da lagoa. A solución pasa irremediablemente pola eliminación do vial, do paseo existente e a expropiación e supresión das edificacións, a fin de recuperar o seu estado natural.

Engadir comentario (0)

Ler máis...

Roteiro polo curso alto do Río Sor. Domingo 27 de novembro

Detalles: Categoría: Novas; Publicado o Luns, 21 Novembro 2011 15:47; Visitas: 414

O roteiro discorrerá polos concellos de As Pontes, Muras (Lugo), Mañón e O Vicedo. Comezaremos no cruce de A Rega, na pista que conduce a Ambosores dende a estrada As Pontes-Ortigueira. Dende aquí faremos 4,5 km de pista asfaltada que nos permitirán contemplar vistas fabulosas sobre as abas, montes e fragas que conforman a cunca do Río Sor, unha zona de alto valor ecolóxico e paisaxístico que, inexplicablemente, aínda non goza de ningunha figura de protección. O inconveniente de camiñar por pista asfaltada quedará superado polo disfrute da paisaxe.

Engadir comentario (0)

Ler máis...