Guía para os propietarios de terreos eólicos

Esta guía, froito dun convenio entre a Fundación Juana de Vega e o Grupo de Investigación en Economía Ecolóxica e Agroecoloxía (GIEEA) da Universidade de Vigo, quere ser unha ferramenta de apoio aos propietarios de terreos eólicos para mellorar a súa posición nos procesos negociadores coas empresas promotoras de parques eólicos. Boa parte do seu contido plasma a experiencia do GIEEA no traballo con propietarios de terreos eólicos nos últimos anos.

Os autores, Xavier Simón e Damián Copena, coidan que "a chegada masiva de aeroxeradores ao rural débese entender como unha oportunidade para fortalecer social e economicamente ás comunidades rurais". A guía pode descargarse de xeito gratuíto aquí.

A pegada ecolóxica por consumo de peixe de España é das máis altas do mundo. Ecoloxistas en Acción elaborou o informe "Deuda pesquera europea y española. Implicaciones globales, causas y soluciones" co propósito de divulgar os impactos socioambientais que o  consumo español de peixe causan noutras partes do planeta, sinalar a responsabilidade directa das frotas exteriores españolas, e exixir que a reforma da Política Pesqueira Común  apoie as frotas artesanais e aposte pola xestión sustentable dos caladoiros. No informe explícanse ademais dous casos concretos: o do Saara Occidental e o de Senegal.

Unha das conclusións principais do informe é que "a sobreexplotación dos caladoiros próximos, causado polo auxe da modalidade de pesca industrial, xunto coa deterioración dos nosos mares, e o incremento do consumo de peixe das últimas décadas, fixo que se "colonizasen" novas zonas pesqueiras por parte das frotas españolas e europeas. Poderíase falar, por tanto, dunha "débeda pesqueira" dos países enriquecidos face aos países empobrecidos, e entre a súas respectivas frotas, para compensar o déficit pesqueiro dos primeiros, así como para lucrarse no mercado global da pesca".

"¿Cómo vivir? Acerca de la vida buena"

A reflexión sobre a vida boa é un dos grandes asuntos do pensamento humano. Filósofos, escritores, artistas e pensadores de diferentes culturas e tradicións abordárono desde distintas perspectivas, todos eles preocupados por encontraren o significado do que os gregos denominaban eudaimonía, cuxa tradución máis adecuada ao castelán sería vida lograda ou vida buena, termos que se afastan dunha concepción da felicidade como simple hedonismo. Os textos seleccionados para esta antoloxía oferecen ao lector un itinerario a través dese debate secular, centrándose na dimensión filosófica diso que chamamos felicidade, mais sen esquecer a súa dimensión política. Na Ética nicomaquea afirmaba Aristóteles: Ser feliz é vivir e actuar. Abríase así un debate que na actualidade adquire nova urxencia e precisa de novas nocións, enfontados como estamos a una sociedade que nos prefire eternamente insatisfeitos.

Esta antoloxía foi elaborada por Jorge Riechmann, quen para iso cotou coa valiosa colaboración de Candela Dessal e Mateo Aguado. Os tres son investigadores da Universidade Autónoma de Madrid.

(Tradución do texto de presentación da editorial, Los libros de la Catarata).