Skip to content
 

Enquisas

Para superar a crise...
 
No mundo a cada instante (En el mundo a cada rato) PDF Imprimir Correo-e
Reseña
Surgida da iniciativa da produtora Tus Ojos e o Comité Español de UNICEF, passou sem fazer muito ruído polos cinemas "En el mundo a cada rato". Trata-se nom dumha longametrage senom dum conjunto de cinco curtametrages que tenhem como fio condutor as cinco prioridades de UNICEF.

No mundo a cada instante (En el mundo a cada rato), VVAA (España) 2004, 116 min

cartel_en_el_mundo_a_cada_ratoSurgida da iniciativa da produtora Tus Ojos e o Comité Español de UNICEF, passou sem fazer muito ruído polos cinemas "En el mundo a cada rato". Trata-se nom dumha longametrage senom dum conjunto de cinco curtametrages que tenhem como fio condutor as cinco prioridades de UNICEF: educaçom das nenas, desenvolvimento integrado da primeira infáncia, inmunizaçom, luita contra o VIH/SIDA e protecçom d@s nen@s frente à violência, a explotaçom e a discriminaçom.

 "El secreto mejor guardado" é umha bonita história. Tem como protagonista a um neno de delicada saúde que vive com sua avoa. Ravi trabalha para ver cumprida a sua ilusom, têr um uniforme para o dia da festa do colégio. Perto da sua casa hai umha escola, pero el, nom sabe porquê motivo, caminha a diário até a dumha populaçom vizinha. Dirigida por Patricia Ferreira, gravada em Tamil Nadu, na Índia, aborda o problema da SIDA e a orfandade gerada por esta enfermidade.

"La vida efímera", de Pere Joan Ventura, achega-nos a Guineia Equatorial da mao da actriz Vicenta Ndongo, que nos apresenta os problemas gerados polo paludismo/malária e a necesidade de vacinar e previr enfermidades.

"Las siete alcantarillas", dirigida por Chus Gutiérrez, aborda as conseqüências que a pobreza tem para a infáncia, apresentando-nos o mundo dumha nena que vive num povoado marginal de Córdoba, Argentina. É quiçá, das cinco, a curta mais frouja.

"Hijas de Belén", de Javier Corcuera, foi rodada em Iquitos, Peru, tem como protagonistas a umha nena e sua avoa e como argumento o trabalho infantil, aliás da perda de culturas indígenas.

Todas as curtas som interesantes e amosam dum modo eficaz, sem dramas nem paternalismos, os principais problemas que no mundo ameaçam à infáncia, pero hai umha curta que destaca entre todas, fechando o filme cumha explossom de optimismo. "Binta y la gran idea", rodada em Casamance, Senegal, e centrada na necesidade de educaçom para as nenas, é um exerciço de imaginaçom e humor revolucionários que por si só justifica toda a película. Javier Fesser dá, coa sua curta, toda umha liçom de tratamento ético dos problemas do chamado "Terceiro Mundo", rompendo esquemas, livre de etnocentrismo, crítica co modo de vida de quem fazemos parte da minoria privilegiada global.

Xosé María García Villaverde 


 
< Ant.   Seg. >