Skip to content
 

Enquisas

Para superar a crise...
 
Con los pies en la tierra PDF Imprimir Correo-e

Con los pies en la tierra é umha compilaçom de artigos de Gustavo Duch (director de VSF) publicados nos últimos anos em diversos jornais. Com prólogo de Rosa Regàs e ilustrado por Anthony Garner, o livro, que leva por subtítulo “Retratos del mundo rural”, fai parte da campanha “No te Comas el Mundo”. Unha reseña de Xosé María García.

con20los20pies20en20la20tierra.jpgGustavo Duch (2007): Con los pies en la tierra. Icaria, Barcelona, 173 págs.

Con los pies en la tierra é umha compilaçom de artigos de Gustavo Duch (director de VSF) publicados nos últimos anos em jornais como La Jornada (México), El País, El Periódico de Catalunya, La Vanguardia, El Correo Vasco ou Galicia Hoxe, entre outros. Com prólogo de Rosa Regàs e ilustrado por Anthony Garner, o livro, que leva por subtítulo “Retratos del mundo rural”, fai parte da campanha “No te Comas el Mundo”.

Segundo declara o próprio Gustavo Duch na introduçom, os seus “gruñidos” em forma de coluna de opiniom prucuram um objectivo bem ambicioso: sacar à luz focamentos alternativos aos habituais na imprensa, visons transformadoras que existem no altermundo dos movimentos labregos, dalgumhas ONGs, de organizaçons ecologistas e de consumidores... nom dando por sentado o paradigma capitalista que todo o envolve.

Os escritos, breves e singelos, apresentam-se-nos distribuídos em oito capítulos e um epílogo ao longo dos quais nos imos achegando às causas políticas da fame e aos abusos que dam lugar à pobreza; à obstaculizaçom do acesso à terra a milhons de labreg@s; à destruiçom ambiental (e social); ao modelo de alimentaçom —e de consumo en xeral— que devora o planeta; ao “rural marinho”, tam semelhante ao labrego; às ajudas que nom ajudam e às poderosas transnacionais, que nos tenhem ao seu serviço. O epílogo, “Luchadores de la tierra” centra-se na luita pola soberania alimentar, impulsada polas organizaçons labregas organizadas no movimento global Via Campesina.

As histórias quotidianas e reflexons paralelas a acontecimentos internacionais recolhidas em Con los pies en la tierra fam deste livro um bom modo de nos achegar ao paradoxo da fame rural e a toda umha série de problemas socioambientais relacionados coa crise ecológica global que estamos a padecer e impulsar, assi como à alternativa da soberania alimentar, umha estratégia própria do ecologismo social.

O conceito “soberanía alimentar” foi criado por Via Campesina e vai muito máis longe do que o de “segurança alimentar” que só aspira a asegurar que se produza suficiente comida com garantia sanitária, sem ter a conta quem produz os alimentos, como e onde. Di Gustavo Duch que “poner en el centro de las luchas sociales la recuperación de la soberanía alimentaria de los pueblos, es decir su capacidad de producir y abastecerse con sus propios, característicos y variados alimentos, es altamente subversivo. [...] Si se modificaran los modelos agrícolas extensivos y de exportación basados en los paradigmas de la Revolución Verde y de la Revolución Biotecnológica que controlan un puñado de transnacionales, la humanidad podría mirar hacia delante con más esperanza”. Di-o e tem razom, é a hora da soberania alimentar!

Xosé Maria Garcia Villaverde

 
Seg. >