O sábado 8 de agosto Verdegaia, xunto co Foro Social de Cangas e os mariñeiros de Cangas, chantarán unha superbandeira negra no lugar onde se quere facer o porto deportivo de Massó, símbolo da destrución que se pretende facer do Plan de Instalacións Náutico-Deportivas que pretende ocupar todo o litoral galego.

Escollemos Cangas por ser a representación da represión e da defensa das forzas da autoridade ós intereses privados e especulativos e non ós intereses públicos e de toda a cidadanía.

O programa do día é este:

11:00 h. Limpeza da zona do porto.

Para esta actividade, convidámosvos a todas/os a traer sacos e luvas para recoller lixo.  Este é un acto simbólico para pór en valor a zona.

12:00 h. Rolda de prensa coa presentación do Informe de Bandeiras Negras 2009.

12:00 h. Os mariñeiros ocuparán a lámina de auga na que se quere construír o porto deportivo.

Despois destes actos, farase unha foliada, para o que é preciso que traiades os vosos instrumentos musicais e, por suposto, comida e bebida.

Facilitámosvos tamén a nota de prensa que enviamos e agardámosvos a todas/os en Cangas este sábado para defender a legalidade e o medio, que é de todas e non dunhas poucas persoas.

PORQUE ONDE VIVIMOS A VERDEGAIA SI LLE IMPORTA (E Ó FORO SOCIAL DE CANGAS E ÓS MARIÑEIROS DE CANGAS).

2009-08-03_borrador_nota_de_prensa_bandeiras_negras