|
O vindeiro 29 de novembro, o
N.C. de Verdegaia na Coruña
organiza un roteiro polas Fragas do Eume, na zona do
Val do Xestoso, para dar a coñecer os valores naturais desta parte
das Fragas que permanece descoñecida se a comparamos coa súa irmá,
a Fraga de Caaveiro.
O roteiro ten unha lonxitude duns 11
km, dificultade intermedia e contará cun guía que dará
explicacións sobre o percorrido.
O punto e hora de encontro será o aparcadoiro da estación de autobuses da Coruña as 09.15 a.m. (En caso de xuntarse xente de Ferrol fixaríamos outro punto de encontro intermedio). O desprazamento será en coches particulares polo que vos pregamos nos confirmedes asistencia ate o xoves, día 28, as 18,00 h. (último día) para organizarnos. O roteiro non é circular polo que necesitaremos máis coches dos que nos gustaría.
Calculamos comezar a camiñar arredor das 11.00. O roteiro ten unha lonxitude duns 11 km, dificultade intermedia e acompañaranos un guía que nos dará explicacións sobre o percorrido. Estimamos terminar arredor das 17.00 por iso é necesario levar comida ademais de calzado e roupa axeitados. A actividade está aberta a todo o mundo e é de balde, soamente haberá que repartir o custo do desprazamento.
Para apontarse chamar ao 639224770 ou no correo-e jacobo_culleredo (a)hotmail.com
Ficha do roteiro
Concello:
Monfero
Lonxitude:
11 km
Puntos
de interese: Fragas do Eume, Muíño da Cortella, Capela de San Xian
O noso
roteiro de hoxe levaranos a terras de Monfero,
onde poderemos descubri-las outras grandes descoñecidas Fragas do
Eume. Irmás das fragas de Caaveiro, estamos a falar das fragas que
rodean o encoro deste río e os ragatos que se unen a él neste gran
lago artificial.
O noso
camiño comezará nas terras altas de
Monfero, nunha das rexións máis illadas da provincia de A Coruña,
dende onde poderemos albisca-lo val de Xestoso e a Serra da Loba, que
separa as provincias de Lugo e A Coruña.
A poucos
metros do inicio, baixaremos ata atopar unha fonte
cuxas augas teñen un gran contido en ferro, especialmente
recomendadas para xente que se atope sen ánimos ou que non lle guste
comer lentellas. Pódese aprecia-lo ton vermello que deixa a auga nas
rochas darredor.
Continúa o
noso camiño-pista polos
cotos durante uns kilómetros, pasaremos un cruceiro
e a partir de aquí o camiño meterase entre piñeirais.
Regato, Muíño
e Fragas da Cortella:
É agora
cando
as fragas van gañando terreo e o camiño, xa corredoira, comeza un
vertixinoso descenso entre carballos, castiñeiros e abeleiras ó
Rego da Cortella. Xa no río atopamos dous muíños
abandonados. Teremo-la oportunidade de entrar nun deles, onde a pedra
e as antigas pezas de madeira aínda se conservan dende décadas.
Á beira do
muíño, unha vella ponte
de madeira permitiranos atravesa-lo río, haberá que ter conta das
táboas rotas e de pasar só unha persoa de cada vez.
Teremos que
abandonar este incrible lugar para subir á aldea de Eiravella.
Contan os veciños que o camiño que trouxemos é o camiño que
utilizaban cando eran novos
para ir á festa de Xestoso.
En
Eiravella atopamos a antiga escola
abandonada, construída polos veciños en 1952. Ademais veremos o
campo da feira, co cruceiro e a Capela
de San Xian.
O
roteiro rematará cunha baixada ó encoro do Eume, para botar unha
última ollada ás cores do outono nestas fragas e facer
unha última reflexión sobre o que foron estas fragas antes da
construción do encoro de 15 km de lonxitude e 101 m de altura.
|
