|
Cogumelos e boa compaña: éxito do roteiro do pasado 8 de novembro |
|
|
|
|
Martes, 18 de Novembro do 2008 |
 Acompañou tempo de outono polas Fragas do Espindro, brétema, algo de friaxe mais non choveu. Foi
interesante coñecer a variedade de habitats na contorna do Esprindo en
Cerceda, así como a encrucillada de agresións ambientais da contorna
(Meirama central, lignitos de Meirama, Sogama, parque industrial, obras
do TAV, ...).
Aprendéronnos moitas cousas do reino dos fungos, e datos interesantes
para a identificación. Procurouse dar unha introdución ao mundo micetal
para logo facermos identificacións e afondarmos nos cogumelos e os
fungos ao longo do percurso. Salientouse o facermos unha práctica
micolóxica que minimizase o impacto ambiental recollendo só os
exemplares que se precisasen e coa técnica máis axeitada.
Houbo momentos interesantes ao longo de toda a xornada, máis foi a
descoberta dun mixomicete, ese fungo cun pé xa no reino animal e que
son quen de se moveren polos piricutos das herbas adiante, un dos
pontes fortes.
Fixose un xantar común nun biduído con boas vistas á fraga e o ambiente
foi moi bo. Improvisouse un convite de chocolate quente por parte de
Verdegaia que prestou ben na sobremesa.
Rematou a actividade cunha rolda de exposición de exemplares na
estación do camiño de ferro de Cerceda e posta en común dirixida como
toda a actividade polo noso micólogo Martín Souto. Volta de novo no
comboio atravesando outras fragas e bosques de ribeira cara a
Compostela, por esta vía que ten os días contados.
Lista de especies ou xéneros identificados:
|
Amanita franquetti
Amanita rubescen
Armillaria mellea
Boletus edulis
Clitocybe nebularis
Collybia butyracea
Cortinarius
Hebeloma crustuliniforme
Hydnum repandum
Hygrocybe sp.
Hygrophoropsis aurantiaca
Hypholoma fasciculare
Laccaria amethystina
Lactarius deliciosus
|
Lycoperdon perlatum
Lycoperdon umbrinum
Marasmius sp.
Mixomicete
Pluteus sp.
Russula amara
Russula sardonia
Russula sp.
Scleroderma citrinum
Scleroderma polyrhyzum
Suillus bovinus
Xerocomu
s badius
Xerocomus sp.
|
|
Novas 
