|
Sabado 27 de setembro. Nova edición do VigoTroca |
|
|
|
|
Wednesday, 24 de September do 2008 |
Este sábado 27, Vigotroca organiza un novo mercadiño de troco e cesión
na rúa Urzáiz, fronte ó mercado do Calvario, entre as 12:00 e as 14:00
h. O mercadiño está aberto a vosa participación: calquera obxecto que
teñades na casa, roupa, libros, discos, mobles, electrodomésticos,
etc., teñen o seu sitio no mercadiño. Se tedes a casa ateigada de
cousas que non utilizades, ou se precisades dalgo e non queredes
gastarvos os cartos, contade co troco: unha ocasión de primeira para
reutilizar os obxectos e darlle unha vida máis ecolóxica e sustentable
as nosas cousas. Por unha economía alternativa e un consumo consciente
e responsable, por un planeta libre de bancos depredadores e
neoliberalismos rapaces: súmate ao troco e á cesión, súmate ao sentido
común. ¡Usa o que precises e comparte o que tes!
A resposta que temos atopado na rúa, entre as veciñas e veciños do
barrio, é excelente. O mercadiño estase a consolidar como unha
oportunidade de cubrir demandas reais da xente. Este sábado, precisamos
a túa colaboración para seguir dándolle vida ao troco. ¡Móvete e
baleira o teu trasteiro!
|
Verdegaia - Vigo 
