|
Preocupadas pola crise alimentaria, climática, financeira e enerxética, así como polos seus efectos devastadores, varias plataformas, redes e organizacións do Estado español, entre elas Verdegaia, solicitaron ao Goberno español que NON dea o seu visto bon á conclusión da Rolda de Doha da Organización Mundial de Comercio (OMC), previsto para esta semana.
O
director xeral da OMC, Pascal Lamy, convocou para hoxe, 21 de xullo,
en Xenebra, un Cumio Ministerial selectivo e antidemocrático,
para tratar de concluír a Rolda de Doha da OMC. Tras varios
anos de negociacións, cumes ministeriais errados e repetidos
re-inicios, esta é a "última oportunidade" antes de
que o actual Presidente dos EUA, George Bush, deixe o seu cargo.
Aínda que unha ampla maioría da poboación nos
países participantes da reunión en Xenebra, como
Brasil, India, Indonesia, Filipinas, Sudáfrica, Kenia e
Exipto, sofre a liberalización comercial e vive na pobreza,
estanse a despregar grandes presións sobre os seus
gobernos para abrir aínda máis os seus mercados.
A
OMC quere concluír esta rolda titubeante, deixando de lado
outras prioridades mundiais chave como a crise alimentaria, os
prezos dos combustibles, o quecemento global, a pobreza no mundo e a
débeda externa.
Organizacións agrarias,
ecoloxistas e ONG [1] retan ao Goberno español a cambiar as
regras internacionais de comercio, e non apoiar as políticas
da OMC incoherentes, entre outras cousas, co Plano Director de
Cooperación española, a Estratexia Española de
Mudanza Climática e Enerxía Limpa, a Estratexia Española
de Desenvolvemento Sustentable, ou o Plano Estratéxico Nacional de
Desenvolvemento Rural 2007-2013.
Se se concluise a Rolda de
Doha da OMC, a expansión das políticas de
liberalización comercial beneficiará ás grandes
empresas transnacionais, pero afectará moi negativamente aos
traballadores, agricultores, mulleres, consumidores e o
medioambiente. Así, incurriríase:
-
nunha
violación dos Dereitos Económicos, Sociais e Culturais
da maior parte da poboación nos países en
desenvolvemento, xa que o sustento dos agricultores, a soberanía
alimentaria e o desenvolvemento rural se verían cada vez máis
ameazados. Estados
Unidos e a UE seguen a subsidiar ás súas empresas
agroexportadoras, ao mesmo tempo que se opón a que se protexa
a millóns de agricultores con políticas e medidas
chave. Medida escandalosa, en vista da actual crise alimentaria
mundial.
-
Tamén
se aumentaría a
privatización e
desregulación crecente dos servizos, dende sectores como as
finanzas ou a enerxía.
A finanza desregulada destrúe
a sociedade: aumento dos prezos de alimentos, perda de empregos
(tanto en España como no Sur Global), precarización,
acentuación das desigualdades. Os asalariados e a xente máis
pobre teñen que cargar co custo da especulación, ou co
prexuízo do "crack " consecuente. Ante a crecente crise
financeira, alimentaria e enerxética, débense
restrinxir os movementos ao capital financeiro, así como
garantir o control, a regulación e intervención
públicos das institucións e mercados financeiros.
-
Os
esforzos internacionais
para frear o cambio climático vense torpedeados polas
políticas da OMC, xa que o "libre" comercio é unha
das maiores causas do quecemento global. Se a destrución de
bosques supón unha quinta parte de todas as emisións
globais de Gases de Efeito Invernadoiro, frear inmediatamente todo
proceso de deforestación sería o xeito máis
rápido e eficaz para reducir estas emisións. Pero iso
implicaría, por exemplo que se deixen de importar á UE
produtos cultivados en áreas deforestadas, como o aceite de
palma de Asia ou a soia de Suramérica.
Os
países máis empobrecidos serían de novo os
principais perdedores.
A
mensaxe dirixida ao Goberno español e aos encargados de
comercio da misión diplomática española en
Xenebra [2] inclúe unha alerta ante os cambios perigosos nas
regras de negociación do Acordo Xeral sobre o Comercio de
Servizos.
A
sociedade civil internacional está aterrada polas disposicións
que inclúe o novo anteproxecto do texto de negociación,
reflectindo a demanda unilateral das potencias industrializadas aos
gobernos dos países en desenvolvemento para que estes
se comprometan de xeito obrigatorio e vinculante a abrir os
sectores de servizos das súas economías ás
empresas transnacionales de orixe estranxeira.
O presidente de
Bolivia, Evo Morales, sinala a propósito da rolda de
negociacións da OMC: "Nas negociacións empúrrase
a que novos sectores de servizos sexan liberalizados polos países
cando o que habería que facer é excluír
definitivamente os servizos básicos de educación,
saúde, auga, enerxía e telecomunicacións do
texto do Acordo Xeral do Comercio de Servizos da OMC. Estes servizos
son dereitos humanos que non poden ser obxecto de negocio privado e
de regras de liberalización que levan á
privatización."[3]
Por todas estas razóns,
unha coalición mundial de organizacións sociais,
políticas e populares, de traballadores e traballadoras, de
migrantes, de comunidades indíxenas e labregas, o movemento de
mulleres, movemento de moz@s e sindicatos -promovido pola rede "O
noso Mundo Non Está á Venda"- insiste aos delegados dos 35
países da OMC, en que a resposta aos aumentos dos prezos
alimentarios e enerxéticos, así como as chaves para
frear a Mudanza Climática, non residirá nunca en
aprofundar na desregulación da produción e do comercio
internacional.
Notas:
[1]
ATTAC, Campaña "No te Comas el Mundo", Campaña
¿Quién debe a quién?, Coordinadora de
Organizaciones de Agricultores y Ganaderos (COAG), Ecologistas en
Acción, Enginyeria Sense Fronteres - Catalunya,
Entrepueblos/Entrepobles/Entrepobos/Herriarte, Observatorio de
Multinacionales en América Latina (OMAL), Plataforma por la
Defensa de los Servicios Públicos de Madrid, Plataforma Rural,
SETEM, Sindicato Labrego Galego, Seattle-to-Brussels Network (Parte
de la red ‘Nuestro Mundo no está en Venta'), Verdegaia,
Veterinarios Sin Fronteras, Xarxa de Consum Solidari, Xarxa de
l'Observatori del deute en la Globalització
[2]
Os documentos completos están dispoñibles aquí:
http://www.quiendebeaquien.org/spip.php?article909
[3] A
carta do Presidente Evo Morales sobre a rolda de negociacións
da OMC pódese consultar en:
http://www.adital.com.br/site/noticia.asp?lang=É
|
Paz e Globalización 
