O mércores 7 de maio proxectarase ás 20:30 h. no local de Verdegaia e Amarante (Avenida da Habana, 64) o filme "Memoria del saqueo". 

Este filme fala das causas e das consecuencias do "corralito" arxentino do ano 2002. Deixa ao descuberto un novo tipo de agresión, silenciosa e sistemática, que deixa máis persoas mortas que o terrorismo ou a guerra. O libre comercio e as receitas dos organismos internacionais remataron co xenocidio social e o colapso financeiro da Arxentina máis próspera. O obxectivo principal deste filme de Pino Sólanas é analizar as causas e formular alternativas.

Convidamos a todo o mundo a vir á proxección do filme no local de Verdegaia e Amarante. A entrada é libre.