Inserida na semana de acción global do Foro Social Mundial (21-26 de xaneiro), o xoves 24 de xaneiro ás 20:00 na Cova dos Ratos (Rúa Roimil nº3, baixo) e baixo o título "Que é o Tratado de Lisboa?"  analizaranse os moitos impactos que teñen as políticas da Unión Europea sobre as nosas vidas e o planeta, e cómo afondan na dinámica de “véndese todo” á cal nos enfrentamos cada vez máis persoas berrando “O Noso mundo non está en venda!”.

O Tratado de Lisboa é un instrumento que reforza as políticas neoliberais, a competitividade e o déficit democrático da Unión Europea, perpetúa o poder das multinacionais e incrementa a represión e a militarización de Europa, con graves consecuencias sociais (máis desemprego, pobreza e precariedade) e medioambientais (máis Cambio Climático entre outras). 

Organizan: A Ría Non Se Vende (Agrupaçom Montanha Augas Limpas, Bouzas Móvete, C.S. A Faísca, C.S. A Revolta, Caleidoskopio, Foro Social de Cangas, G.A.S. – Vigo, Luita Verde, OAR – Redondela, Plataforma defensa da Enseada de San Simón, Salvemos Monteferro, SOS Serra da Groba, Verdegaia), CGT, Xogo Descuberto.