O lixo (a cantidade que xeramos, os tipos, se o separamos correctamente ou non...) é un bon indicador da (in)sustentabilidade do noso modo de vida. Xeramos lixo todos os días do ano, cada vez en maiores cantidades, pero hai datas nas que o noso modo de vida devorador, xerador de destrución ambiental e inxustiza social, chega ás súas maiores cotas. Nestas festas, en datas como Noiteboa, Nadal, Fin de Ano ou Reis o desbaldimento de enerxía e materias primas semella ser o centro da celebración, todo é un exceso: luz, ruído, comida, bebida, agasallos, envalaxes...

Ano trás ano xeramos polo Nadal cantidades indecentes de residuos, por exemplo agasallando presentes envoltos en lixo de luxo. Verdegaia convídate a participar na segunda edición da fotodenuncia "Os reis trouxéronme lixo".

Envía as túas fotos de denuncia dos excesos consumistas destas datas a Este enderezo de correo-e está protexido contra spam bots, necesitas ter o Javascript activado para podelo ver até o día 8 de Xaneiro de 2008, indicando lugar e data na que foron tiradas. As mellores serán colgadas neste sitio web.

Olla o resultado da anterior edición: Os reis trouxéronme lixo 2007