Xa pasaron máis de 15 días e os veciños de Mehá continúan pechados na Casa do Concello de Mugardos en sinal de protesta contra a ubicación da Planta de Gas e a súa posta en funcionamento aínda a costa do enorme risco que esto supón para a poboación. Alén disto, este peche pretende chamar a atención dos cidadáns e administracións competentes dependentes do Ministerio de Industria para que non sexa aprobada a acta de explotación comercial  que Reganosa ten a obriga de solicitar. Numerosos colectivos ( culturais, deportivos, ecoloxistas....), artistas, xente anónima, representantes de algún partido politico, etc.....están manifestando a súa solidariedade  e apoio á veciñanza alí congregada. Ti tamén podes sumarte.

Dende Verdegaia facemos un chamamento para manter esta solidariedade mediante:

 - Visitas individuais ao lugar do peche , no concello de Mugardos.

- Enviando cartas, o telegramas de apoio ou chamadas á Casa do Concello (Av. de Galiza, 45, Mugardos 15622, teléfono 981470290 e fax: 981 472 017)

- Remitindo notas de apoio aos medios de prensa.

- Asinando nos documentos en contra da planta que están a disposición no Ateneo Ferrolán.

- Informando a amistades, a través de foros, correos-e, sms, etc..da irresponsabilidade que supón a posta en funcionamento da planta de gas no medio da ría de Ferrol.

Ademais de todo isto podes acudir hoxe a actuación do cantoautor Xosé Constela no salón de plenos do concello de Mugardos ás 22h da noite e mañá mércores a actuación de Xurxo Souto ás 19.00h.

Xa para finalizar, este xoves, 9 de agosto terá lugar a XV Asamblea Cidadán , ás 20.00h na AAVV Ferrol Vello (no porto) onde se informará máis pormenorizadamente dos trámites, acións, etc...levadas recentemente e se decidirán novas actividades.

Lembramos a ameaza real que xa está provocando REGANOSA na actualidade debido as probas parciais de funcionamento que realiza dende o pasado 9 de maio do 2007.

XV asamblea Cidadá: XV ASAMBLEA CIUDADAN CCE 9 de agosto 2007.doc

Enderezos de autoridades implicadas aos que podes dirixirte: Enderezos de autoridades implicadas.doc