|
2ª Limpeza nas Gándaras de Budiño e Ribeiras do Louro |
|
|
|
|
Luns, 09 de Xullo do 2007 |
 Verdegaia organizou o pasado sábado a segunda xornada de limpeza no espazo natural das Gándaras de Budiño e Ribeiras do Louro. Continuouse coa retirada de lixo da Barreira de Orbenlle -ecosistema onde mora unha das últimas poboacións galegas de sapoconcho común- mais tamén houbo tempo para facer limpeza na Turbeira do Cerquido e na contorna da Lagoa de Budiño. O lixo recollido vai ser levado polo servizos de limpeza do Concello do Porriño a vindeira terza feira.
Desta volta a iniciativa xurdiu de oito empregados do Grupo do automóbil GKN que están a facer un curso de formación en Vigo. Ingleses, polacos, franceses, italianos e vascos colaboraron cos socios de Verdegaia e co Grupo de Voluntariado Ambiental do Porriño nesta segunda xornada de limpeza. Ficamos obrigados con todos eles.
 A actitude destas persoas foráneas contrasta coas últimas actuacións das Administracións responsábeis da conservación do espazo protexido, especialmente da Consellaría do Ambiente que recentemente aprobou a ampliación do polígono industrial das Gándaras encol dos bosques de ribeira (hábitats de protección prioritaria para a UE) o que suporá unha alancada máis no propósito da Xunta de facer desaparecer esta área natural. |
Novas de Verdegaia-Vigo 
