As elevadas emisións de dióxido de carbono (CO2) das centrais térmicas de carbón das Pontes (ENDESA) e de Meirama (UNIÓN FENOSA) convértennas en enormes “fábricas de cambio climático”. Estas centrais obsoletas xeran máis da metade da electricidade galega e son as principais responsábeis de que o noso país presente unhas emisións por habitante de gases causantes do cambio climático que figuran entre as máis altas de España, de Europa e do mundo: 14,6 toneladas/habitante (2004). Para cumprir o Protocolo de Quioto é preciso reducir a produción de electricidade procedente do carbón e fomentar máis o aforro enerxético e as renovábeis.

Podes ler o informe completo premendo aquí.

E podes ler unha presentación sobre os impactos do cambio climático en Galicia e a contribución das térmicas galegas ao cambio climático premendo aquí.