Propoñen unha serie de palestras, mesas redondas, actividades formativas e video-fórums para achegarnos máis a este mundo e facernos máis partícipes do mesmo.

Para máis información consultar a páxina web http://agrourense.info/

Comezar o ano cunhas xornadas como as que agora se presentan non é máis ca unha declaración de intencións do traballo que pretenden levar a cabo o resto do ano, e tentando conglomerar en 10 días diversas actividades que sirvan para achegarnos máis ao mundo da agricultura e gandería ecolóxica. Conscientes de que existe unha necesidade manifesta de ofrecer información e experiencias dentro deste sector de cara á sociedade, como obxectivo principal.

Querese resaltar da agroecoloxía o seu potencial transformador da sociedade na que vivimos, xa que supón actuar de forma activa contra un modelo de producción agrícola e gandeira intensiva e aberrante, potenciada por intereses económicos e comerciais insensibles á calquera consideración de saúde pública, de benestar animal ou de respecto ao medio natural. 

A Agroecoloxía aséntase nas relacións de confianza entre o colectivo que produce e o que consume, substituíndo as relacións meramente comerciais entre eles ademais de potenciar ao pequeno/a productor/a local. Impulsar este sector poñería freo á expasión das grandes superficies comerciais apiadas na política do consumo insustentable.