Tódolos meses organizamos un roteiro para coñecer mellor os valores naturais da nosa comarca, e denunciar as agresións ao noso medio.

Próximos roteiros:

20-1-08: Roteiro pola costa Sur de Vigo.

10-2-08: Roteiro á Devesa da costa e ás marismas da Ramallosa.

30-3-07: Roteiro por Monteferro: de Punta Meda á Madorra.

En 2007 o núcleo comarcal de Verdegaia-Vigo organizou polo menos un roteiro ao mes para axudar a divulgar os valores do noso medio natural. Tamén se impulsaron de forma periódica actividades de educación ambiental dirixidas a nenos e nenas en Vigo.

Iniciamos unha campaña en defensa da Rede Natura 2000, con diversas accións (recollida de información, roteiros, denuncias,...) en relación con algúns espazos (Gándaras de Budiño,...). Organizamos a exposición en defensa das dunas elaborada pola FEG en Vigo. Difundimos información sobre a fauna e a flora galega ameazadas con motivo do Día da Biodiversidade.

O núcleo comarcal de Vigo desenvolveu distintas actividades (alegacións, roteiros, participación en mobilizacións, accións contra o PXOM de Vigo e outras localidades) orientadas á defensa do litoral e da Ría xunto coa Rede A Ría Non Se Vende.