|
Thursday, 05 de October do 2006 |
|
Celébrase este ano un novo Fin
de Semana Europeo de Observación de Aves, iniciativa
promovida pola asociación BirdLife International, que terá
lugar os días 7 e 8 de outubro. Verdegaia vaino celebrar en
Vigo o domingo día 8 con un roteiro aberto a todo aquel
que queira participar.
Neste roteiro, organizado conxuntamente coa
asociación Fontaiña e a Oficina Municipal de
Voluntariado do Concello de Vigo, percorreremos a Costa Sur de Vigo
visitando algúns dos espazos de maior interese natural e valor
ornitolóxico do noso concello: as Dunas do Cocho das Dornas, a
Xunqueira do Lagares, as Dunas da Fontaíña, a Praia de
Canto da Area,... Aproveitaremos a ocasión para observar
diferentes especies de aves coma o Bilurico bailón, o
Picapeixe, o Corvo Mariño Cristado, o Virapedras, entre outras
moitas. Disporemos de prismáticos e telescopios para poder
apreciar doadamente as características de cada unha das
especies e ó mesmo tempo daremos un saudable paseo pola
ribeira do mar.Cómpre levar calzado axeitado, chuvasqueiro
e prismáticos se se dispón deles. Sairemos ás
10:00 da igrexa de Bouzas.
Para máis información
podedes chamar a Diego ó 670784919 ou premer en contacto
|
Verdegaia - Vigo 
