|
Ciclo de Cinema "Coñecer para Cambiar" en Compostela |
|
|
|
|
Luns, 18 de Xaneiro do 2010 |
|
 Os grupos comarcais de Amarante e Verdegaia en Compostela poñen en marcha o Ciclo de Cine "Coñecer para Cambiar" . Desenvolverase tódolos xoves do 21 de xaneiro ao 11 de marzo as 20:30hs no local social que comparten ambas organizacións na Avda. Romero Donallo, nº 17 en Santiago de Compostela. O xoves día 21 de xaneiro terá lugar a primeira sesión co documental "Grandes superficies" (María González, Pedro Ramiro, Pablo Buchó e Isidro Jiménez, 2006), producido por Ecologistas en Acción. Este documental aborda, a través dun caleidoscópio de imaxes, entrevistas e testemuños o papel da publicidade no sistema actual de sobreproducción e sobreconsumo.
Con
esta actividade as organizacións implicadas pretenden abrir un espazo
para o coñecemento e a reflexión acerca de diferentes problemáticas
sociais e ambientais (consumismo, industria agroalimentar, alimentos
transxénicos, desigualdade nas relacións comerciais entre países do
norte e do sur, deslocalización e explotación laboral, etc), empregando
a linguaxe audiovisual como vehículo de achegamento a esas realidades.
As
organizacións entenden que coñecer e comprender a causa dos problemas
que afectan as sociedades do Norte e do Sur representan o primeiro paso
para o cambio individual e social, e por elo pretenden ofrecer a
cidadanía compostelá un espazo para o intercambio de ideas sobre as
temáticas abordadas nun clima distendido.
Para combater o frío
e estimular o debate, ofrecerase ás persoas asistentes un chocolate de
comercio xusto despois de cada proxección. A entrada é gratuíta até
completar o aforo (30 persoas).
|
