|
Verdegaia e VAL-Amigos do Medio Ambiente esixen a mellora ambiental das Ribeiras do Louro |
|
|
|
|
Xoves, 07 de Xaneiro do 2010 |
|
Verdegaia e VAL-Amigos do Medio Ambiente veñen de apresentar perto de medio milleiro de sinaturas na Confederación Hidrográfica Miño-Sil esixindo a protección do LIC as Gándaras de Budiño e Ribeiras do Louro mediante o estrito cumprimento da lexislación vixente, a inmediata posta en funcionamento da EDAR de Guillarei (Tui), a recuperación da superficie incluída na Rede Natura ate un mínimo de 872 hectares, a licitación do Proxecto de restauración, conservación e uso público deste espazo natural aprobado en 2007 polo Ministerio de Medio Ambiente e o equipamento e apertura do Centro de Interpretación da Natureza de Orbenlle.
Ademais, informouse
de dita entrega ás seguintes administracións: Dirección Xeral de
Conservación da natureza da Consellaría do Medio Rural, Dirección
Xeral de Urbanismo da Consellaría de Medio Ambiente, Territorio e Infraestruturas,
e concellalías de urbanismo dos Concellos de Tui, Mos, Salceda de Caselas
e O Porriño.
Cómpre lembrar
que a construcción da EDAR de Guillarei xa finalizou en 2006 e
que a súa posta en funcionamento é hoxendía unha asignatura pendente
co conseguinte impacto ambiental que esto xera no LIC das Ribeiras
do Louro e na cidadanía en xeral, a parte do deterioro que esta inactividade
supón para a propia EDAR.
Ó mesmo tempo
solicitouse a todas estas administracións que realizasen todas as xestións
posibles para acadar os obxectivos anteriormente citados.
|
Verdegaia - Vigo 
