O pasado fin de semana as asociacións Verdegaia, S.O.S. Courel e Insectarium Virtual organizaron un testing de biodiversidade na Serra do Courel con bos resultados á hora de valorar a biodiversidade existente no Courel e de participación xa que se tiraron centos de fotografías dixitais da abundante e valiosa fauna e flora do Courel. Na actividade participaron arredor de cincuenta persoas.

Verdegaia paralisou de novo a construción dunha pista da concentración parcelaria de Covas por afectar a unha das zonas húmidas que integran a Rede Natura 2000. As obras serán denunciadas perante a Fiscalía de Medio Ambiente, sen descartar a posibilidade de presentar unha queixa perante a Comisión Europea para que retiren os fondos FEOGA cos que se financia a parcelaria.

Esta memoria recolle o resumo das actividades e da xestión económica desenvolvida por Verdegaia ao longo do 2007. Xorde da aplicación consciente de dous puntos recollidos nos Principios de Organización e Traballo que Verdegaia aprobou na súa asemblea constituínte: o Principio de comunicación e imaxe fiel na información e o Principio de transparencia e pluralidade do financiamento, ambos formulados desde o entendemento de que a nosa asociación debe ficar aberta á sociedade e de que debemos rendir contas do noso traballo diante dela.

11 de Setembro reunirase a Comisión de Industria, Investigación e Enerxía do Parlamento Europeu, para discutir sobre as recomendacións á Unión Europea acerca dos obxectivos e política de agrocombustíbeis. A política de agrocombustíbeis da UE ten consecuencias globais. Os monocultivos destinados á exportación para a elaboración de agrocombustíbeis avanzan en países empobrecidos desprazando poboacións indíxenas e labregas, destruíndo ecosistemas, poluíndo, degradando a soberanía alimentar dos pobos...

Este xoves 4 de setembo, Sonia Couso, coordenadora xeral de Verdegaia, participará  no curso da Universidade Internacional Mendez Pelayo "A nova cidadanía global e os movementos sociais: ecoloxismo, pacifismo e feminismo", organizado polo Seminario Galego de Educación pola Paz. Intervirá como relatora xunto a Pedro Arrojo Agudo (Profesor Titular Dpto. Análisis Económico.U. de Zaragoza e Presidente da Fundación Nueva Cultura del Agua) na mesa redonda: A nova cidadania global desde a perspectiva ecoloxista. Máis info.