A empresa mineira canadense Río Narcea Gold Mines-Edgewater está a proxectar unha explotación mineira de ouro ao descuberto que –se fose circular- ocuparía un círculo de máis de tres quilómetros de diámetro (773,6 hectáreas). Dita explotación está planeada sobre a zona protexida Natura 2000 do LIC do río Anllóns e abrangue os concellos de Cabana de Bergantiños, Coristanco e Ponteceso.

Este sábado 8 de outubro, a partires das 10:30h, terá lugar en Redondela o III encontro da rede de sementes, á que Verdegaia quere convidar a toda persoa interesada a participar, non só no propio troco, senón ver e coñecer outros proxectos ligados á conservación das variedades antigas e locais cultivadas na Galiza, sumado os postos de diferentes colectivos e as produtoras e artesáns que cultivan dun modo máis respectuoso coa terra. Tamén haberá obradoiros e actividades para nenos e nenas durante toda a xornada.

Ecoloxistas en Acción presentou o seu informe sobre a calidade do aire no Estado español durante 2010. Entre as conclusións máis relevantes do traballo, despréndese que un 87% da poboación española respira aire que supera os índices recomendados pola Organización Mundial da Saúde. Verdegaia colaborou un ano máis  na súa elaboración.